PLAXIS for Geotechnical applications

P

LAXIS ဆိုတာ Geotechnical engineering ဆိုင်ရာ ပြဿနာတွေကို ဖြေရှင်းနိုင်တဲ့ Structural design ဆော့ဖ်ဝဲတစ်ခုပါ။ 2D soil models တွေ၊ 2D Tunnel Design၊ 2D Dynamics module၊ 3D Tunnel Design၊ 3D Foundation စတဲ့ Geotechnical ပုစ္ဆာတွေကို အလွယ်တကူ ဖြေရှင်းနိုင်စေဖို့ ရည်ရွယ်ပြုလုပ်ထားတဲ့ Finite element program လို့လည်း ဆိုနိုင်ပါတယ်။

Tunnel engineers တွေအတွက် 2D, 3D Tunnel program တွေကို အသုံးပြုပြီး Cut and cover, Mountain tunneling, shield tunneling, NATM အစရှိတဲ့ ဥမင်များကို မြေလွှာအမျိုးမျိုး၊ မြေအောက်ရေ အခြေအနေ အမျိုးမျိုးပေါ်မှာ ဒီဇိုင်းပြုလုပ် တွက်ချက်နိုင်ပါတယ်။

အသုံးပြုတဲ့အခါမှာလည်း ရိုးရှင်းလွယ်ကူတာကို တွေ့ရပါတယ်။ မိမိဒီဇိုင်းလုပ်လိုတဲ့ Graphic model အတွက် ဒေတာများကို CAD drawing procedures ပေါ်မှာ အလွယ်တကူ ရေးဆွဲနိုင်ပါတယ်။ PLAXIS မှာ Automatic mesh generation ကိုထည့်ထားတဲ့အတွက် မိမိတို့ ဆွဲထားတဲ့ Models တွေကို တခြားသော ဆော့ဖ်ဝဲတွေမှာလို့ Mesh လိုက်လုပ်ပေးရတာမျိုး မလိုအပ်ပါဘူး။ မိမိတို့ အသုံးပြုတဲ့ Soil data တွေ၊ material data တွေ၊ water data တွေကို အလွယ်တကူ ထည့်သွင်းပြီး Calculation အဆင့်ကို သွားရုံပါပဲ။ Manuals တွေနဲ့ Tutorials တွေကို ကြည့်ပြီး လုပ်ကြည့်ရုံနဲ့ သဘောပေါက်နိုင်ပါတယ်။

Displacements, stresses, strains, deformation, forces အစရှိတဲ့ Results တွေကို 2D, 3D graphic display တွေနဲ့အပြင် Plots၊ Tables တွေနဲ့ပါ ကြည့်ရှုနိုင်ပါတယ်။ Plots တွေ၊ Tables တွေကို တခြား window software တွေနဲ့ပါ export လုပ်သုံးစွဲနိုင်ပါတယ်။ Video presentation အတွက်လည်း 1024x786 pixels resolution နဲ့ ထုတ်ယူနိုင်တာကို တွေ့ရပါတယ်။

Geotechnical models တွေကို simulation လုပ်တဲ့အခါမှာ PLAXIS ဟာအတော်ကို ကောင်းမွန်တဲ့ ဆော့ဖ်ဝဲဖြစ်ပေမဲ့ တွက်ချက်မှုအပိုင်းမှာ အမှားအယွင်းမရှိဘူးလို့ အာမမခံထားပါဘူး။ ဒီဇိုင်းရဲ့ တိကျမှန်ကန်မှုကိုတော့ အသုံးပြုသူရဲ့ ကျွမ်းကျင်မှု၊ Soil models တွေနဲ့ ၎င်းတို့ရဲ့ သဘောသဘာဝတွေကို နားလည်မှု၊ Design parameters တွေ ရွေးချယ်ရာနဲ့ တွက်ချက်လို့ရတဲ့ အဖြေတွေကို မှန်မမှန် ဆန်းစစ်နိုင်တဲ့ အတွေ့အကြံ၊ အရည်အချင်းရှိဖို့ လိုအပ်ပါတယ်။ မိမိတို့ ရေးဆွဲလိုက်တဲ့ ဒီဇိုင်းကို မိမိတို့သာ တာဝန်ယူရမှာ ဖြစ်တယ်လို့ PLAXIS organisation က ဆိုပါတယ်။ PLAXIS program ဟာ နယ်သာလန်နိုင်ငံ အခြေစိုက် PLAXIS b.v ရဲ့ မူပိုင်ဖြစ်ပါတယ်။ နောက်ဆုံးထုတ် PLAXIS professional version 8x ရဲ့ဈေးက ယူရို ၆၀၀၀ နဲ့ 3D Tunnel software က ယူရို ၁၀၀၀၀ အထိဈေးရှိပါတယ်။ လုပ်ငန်းများနဲ့ ပညာရေးအတွက်ဆိုရင်တော့ သက်သာပါတယ်။ အသေးစိတ် အချက်အလက်တွေကို PLAXIS website မှာ သွားရောက်ကြည့်ရှုနိုင်ပါတယ်။

ဒီပို့စ်ရဲ့ ရည်ရွယ်ချက်က PLAXIS ဆော့ဖ်ဝဲကို ကျွန်တော်တို့ မြန်မာ Tunnel engineers တွေဆီ မိတ်ဆက်ပေးဖို့နဲ့ ပညာရေးအတွက် အသုံးပြုလိုသူများကို အခမဲ့ ဖြန့်ဝေပေးနိုင်ဖို့ ဖြစ်ပါတယ်။

တကယ်တော့ ဥမင်ဖောက်လုပ်ရေး အစရှိတဲ့ Geotechnical engineering field မှာ လက်တွေ့ အသုံးချလို့ရတဲ့ ပရော်ဖက်ရှင်နယ် ဆော့ဖ်ဝဲဖြစ်ပါတယ်။ Copyright ပြဿနာများကြောင့် upload မတင်ထားတော့ပါဘူး။ လိုအပ်သူများအနေနဲ့ အီးမေးလ်က ဖြစ်စေ၊ ကောမန့်မှ ဖြစ်စေ တောင်းယူနိုင်ပါတယ်။

ပရင့်ထုတ်ရန်