မြေအောက် ကမ္ဘာများ အပိုင်း(၃) မှာတော့ ကျန်ရှိတဲ့ နိုင်ငံတွေရဲ့ မြေအောက် ကမ္ဘာများ အကြောင်းကို တင်ပြ လိုက်ပါတယ်။ တိုးတက်ပြီး နိုင်ငံတွေမှာတော့ မြေအောက်ကမ္ဘာ အသစ်များကို တည်ဆောက်ပြီး မြို့လည်ဧရိယာကို တိုးချဲ့ကြသလို၊ အများပြည်သူများ နေ့စဉ်လှုပ်ရှား သွားလာရေး အဆင်ပြေ ချောမွေ့စေရေး အတွက်ပါ စဉ်းစား တည်ဆောက် လာတာကို တွေ့ရပါတယ်။ တိုးတက်ဆဲ နိုင်ငံများအနေနှင့် ရှိပြီးသား မြေအောက် ကမ္ဘာများကို ကမ္ဘာလှည့်များကို ဆွဲဆောင်ရာ နေရာများအဖြစ်ပဲ ထိန်းသိမ်း ထားတာကို တွေ့ရပါတယ်။

ထိုင်ဝမ်

တိုင်ပေမြို့ မြေအောက်မက်ထရိုဘူတာ (၂)ခု ကို ဆက်သွယ်ထားတဲ့ မြေအောက်လမ်းများ ရှိပါတယ်။ အဓိက ရထားဘူတာရဲ့အနီးမှာ ကြီးမားတဲ့ မြေအောက်အရောင်းဆိုင်တန်း တစ်ခုရှိပါတယ်။

တူရကီ

Cappadocia မှာတော့ သမိုင်းဝင် မြေအောက်ကမ္ဘာများတည်ရှိပါတယ်။ မြေပြင်အနေအထားအရ၊ ခရစ်ယာန်ဘာသာဝင်များ ပုန်းအောင်းရာ နေရာများအဖြစ် အသုံးပြုခဲ့ကြပါတယ်။ ယခုအခါမှာတော့ ကမ္ဘာလှည့်ခရီးသွားများကို ဆွဲဆောင်ရာ နေရာများဖြစ်နေပါပြီ။

ဗြိတိန်

လန်ဒန်မြို့ရှိ Canary Wharf tube မြေအောက်ဘူတာရုံ နှင့် အနီးရှိ ရုံးအဆောက်အအုံနှင့် အရောင်း ဆိုင်တန်းများကို မြေအောက်မှ ချိတ်ဆက်ထားပါတယ်။ Docklands light Railway မှာရှိတဲ့ မြေအောက်ဘူတာ နှစ်ခုကို လည်း ချိတ်ဆက်ထားပြီး မြေပေါ်သို့ ထွက်ရန်မလိုပဲ သွားလာလို့ရအောင် တည်ဆောက်ထားပါတယ်။

Dover မှာတော့ ဥမင်အများအပြားချိတ်ဆက်ထားတဲ့ မြေအောက်ကမ္ဘာကို တွေ့ရမှာဖြစ်ပါတယ်။ Dover ရဲတိုက်မှာ မြေအောက် အထပ်(၆)ထပ်ပါဝင်ပြီး ဆေးရုံ၊ စစ်သားတန်းလျားများ၊ ရုံးများ၊ သိုလှောင်ခန်းများပါဝင်ပါတယ်။ တောင်ဘက်ပိုင်းမှာ ရှိတဲ့ ဥမင်တွေကတော့ နပိုလီယန်ခံစစ် နှင့် ဒုတိယကမ္ဘာစစ်ပွဲခံစစ် များအတွက် အသုံးပြုခဲ့ကြပါတယ်။ ကာလကြာမြင့်ပြီ ဖြစ်တာကြောင့် အများအပြား ပြိုကျပျက်ဆီးနေပေမယ့် အများစုကို ယခုချိန်ထိ အသုံးပြုနိုင်ပြီး ဈေးဆိုင်များနှင့် သိုလှောင်ခန်းများအဖြစ် အသုံးပြုတာကို တွေ့ရပါတယ်။


Edinburgh မှာတော့ ကမ္ဘာလှည့်ခရီးသည်တွေကို စွဲဆောင်ရာ တစ်ခုအနေနဲ့ အခန်း အများအပြား ပါဝင်တဲ့ ကြီးမားကျယ်ပြန့်တဲ့ မြေအောက်ကမ္ဘာကို တွေ့ရပါတယ်။

အမေရိကန်ပြည်ထောင်စု

အတ္တလန်တာမြို့ မှာ Underground Atlanta လို့ခေါ်တဲ့ မြေအောက် ကမ္ဘာတစ်ခုကို တွေ့ရပါတယ်။ (၁၉၂၀) ၀န်းကျင် ကာလက လမ်းများ ဖောက်လုပ်ရာမှာ viaducts များကို အသုံးပြုရာမှ မြေအောက် ကမ္ဘာ ဖြစ်ပေါ် လာတာ ဖြစ်ပါတယ်။ အဆိုပါ မြေအောက် ကမ္ဘာဟာ မြို့ကွက်(၆)ကွက်စာရှိပြီး အရောင်း ဈေးဆိုင် တန်းများ၊ အပန်းဖြေ နေရာများ၊ စားသောက်ဆိုင်များ စသည်တို့ ပါဝင်ပါတယ်။ (၁၉၆၈)ခုနှစ်မှာ ဘဏ္ဍာရေး အခက်အခဲများ ကြောင့် ပိတ်ထား ခဲ့ရပြီး (၁၉၈၉) ခုနှစ်မှာ ပြန်လည် ဖွင့်လှစ် ခဲ့ပါတယ်။

ချီကာဂိုမြို့မှာတော့ (Chicago Pedway) ခေါ် ဥမင်များနှင့်တံတားများပါဝင်တဲ့ မြေအောက်ကမ္ဘာကို တွေ့ရပါတယ်။ မြေကွက် (၁၀)ခုစာ ရှိတဲ့ ၎င်းမြေအောက်ကမ္ဘာမှာ စတိုးဆိုင်များ၊ ဟိုတယ်များ၊ မီးရထားဘူတာများ အစရှိတဲ့ အဆောက်အအုံများပါဝင်ပြီး ချီကာဂို စီးပွားရေးဇုန်ကို ဖြတ်သန်း တည်ဆောက်ထားတာ ဖြစ်ပါတယ်။ ချိတ်ဆက်ထားတဲ့ နေရာများကတော့ အများအပြားရှိပြီး အဆောက်အအုံများ၊ လမ်းများ၊ ဘူတာရုံများကို အဓိက ချိတ်ဆက်ထားတာကို တွေ့ရပါတယ်။ ဥပမာအနေနှင့် Metra Station၊ Marshall Fields flagship store၊ City Hall၊ Columbus Plaza နှင့် State of Illionois Center တို့ဖြစ်ကြပါတယ်။

ဗာဂျီနီးယားမှာရှိတဲ့ Crystal City ရဲ့အောက်မှာ ရှိတဲ့ မြေအောက်ကမ္ဘာကတော့ high_rise building များရဲ့အောက်မှာ ဖောက်လုပ်ထားတာ ဖြစ်ပြီး ဆောင်းရာသီလို အေးချမ်းတဲ့ ရာသီတွေမှာ မြေအောက်မှာတင် ဈေးဝယ်နိုင်အောင်၊ စားသောက်နိုင်အောင် ဈေးဆိုင်တန်းများ၊ စားသောက်ဆိုင်များ ပါဝင်ဖွဲ့စည်းထားတာကို တွေ့ရပါတယ်။

Dallas မြို့လည်မှာတော့ အဆောက်အအုံများကို ချိတ်ဆက်ထားတဲ့ ဥမင်ကွန်ယက်ကို တွေ့ရမှာ ဖြစ်ပါတယ်။

ကမ္ဘာ့နာမည်ကျော် Walt Disney World မှာလည်း စတုရန်းမိုင်တော်တော် များများရှိတဲ့ မြေအောက် ကမ္ဘာကို တွေ့ရမှာဖြစ်ပါတယ်။

Duluth မြို့မှာလည်း မြေပေါ်လမ်းများနှင့် အဆောက်အအုံများကို ချိတ်ဆက်ထားတဲ့ မြေအောက် ကွန်ယက်ကို တွေ့ရှိမှာ ဖြစ်ပါတယ်။

Havre မြေအောက်ကမ္ဘာကတော့ ယခင် တားမြစ်ကာလများက ဇိမ်ခန်းများ၊ ဘိန်းခန်းများ၊ အရက်သိုလှောင်ခန်း များအတွက် အခန်းများပါဝင်ဖွဲ့စည်းထားပါတယ်။ ဒါ့အပြင် အ၀တ်လျော်ခန်း၊ အလှပြင်ခန်းနှင့် ဆေးဆိုင်ခန်းလည်း ပါဝင်ပါတယ်။ ယခုအခါမှာတော့ ဒေသရဲ့သမိုင်း တစ်ခုအနေနှင့် ထိန်းသိမ်းထားတာကို တွေ့ရပါတယ်။

Houston မှာရှိတဲ့ မြေအောက်ကမ္ဘာကတော့ မြို့လည်မှာဖြစ်ပါတယ်။ ဥမင်အလျား (၇) မိုင်ရှိတဲ့ အဆိုပါ မြေအောက်ကမ္ဘာကို မြေပေါ်လမ်းများ၊ ရုံးများ၊ ဟိုတယ်များ၊ ဘဏ်များ၊ စားသောက်ဆိုင်များ၊ စတိုးဆိုင်များ ကို ချိတ်ဆက်ထားပါတယ်။ Wells Fargo Plaza တစ်ခုတည်းသာ ဥမင်အတွင်းသို့ လမ်းပေါ်မှ တိုက်ရိုက်ဝင်နိုင်ပြီး ကျန်တဲ့နေရာတွေကတော့ လှေကားများ၊ ဓာတ်လှေကားများနှင့် စက်လှေကားများကို အသုံးပြုဝင်ရမှာ ဖြစ်ပါတယ်။

နယူးယောက်မြို့မှာ ရှိတဲ့ မြေအောက် ဘူတာ အချို့ကို အဆောက်အအုံများနှင့် တိုက်ရိုက် ချိတ်ဆက်ထားပါတယ်။ ဒါ့အပြင် Rockefeller Center ရဲ့အောက်ထပ် တွေကို မြေအောက် ဘူတာရုံများ၊ မြေအောက်မှာရှိတဲ့ အဆောက်အအုံများ၊ စားသောက်ဆိုင်များ အစရှိတဲ့နေရာတွေကို ချိတ်ဆက်ပြီး မြေအောက် ကမ္ဘာအဖြစ် ဖန်တီး ထားတာကို တွေ့ရပါတယ်။

Oklahoma မြို့ရှိ Conncourse မြေအောက် ဥမင်စနစ်မှာ မြို့လယ်မှာရှိတဲ့ အဆောက်အအုံများကို ချိတ်ဆက်ထား တာဖြစ်ပါတယ်။ နိုင်ငံအတွင်းရှိ မြေအောက်လျှောက်လမ်း တွေထဲမှာ အကျယ်ဆုံး ကွန်ယက် အဖြစ်တည်ရှိပြီး မြို့လယ်ရှိ အဆောက်အအုံ (၃၀) ကျော်ကို ချိတ်ဆက် ထားပါတယ်။ မူလ ဥမင်များကို (၁၉၃၁) ခုနှစ်က စတင် ဖောက်လုပ်ခဲ့ပြီး (၁၉၇၀) ပြည့်လွန် နှစ်များမှာ ဥမင်များကို တိုးချဲ့ ဖောက်လုပ်ခဲ့တာကို တွေ့ရပါတယ်။ (၂၀၀၆) ခုနှစ်မှာ ပြန်လည် ပြင်ဆင်ရေးများကို ဆောင်ရွက်ခဲ့ကြပါတယ်။

Philadelphia မြို့မှာလည်း မြေအောက်ကမ္ဘာအနေနှင့် Suburban မြေအောက်ဘူတာရုံ နှင့် Market East ဘူတာရုံကို ချိတ်ဆက် ထားပြီး ၄င်းဘူတာနှစ်ခုလုံးမှာ SEPTA ဆက်သွယ်ရေးလိုင်းနှင့် ဆက်သွယ် ထားပါတယ်။

Virginia မှာရှိတဲ့ Richmond မြို့အစိုးရ အဆောက်အအုံများကို ဥမင်များ ချိတ်ဆက်ထားပါတယ်။ ဥမင် အစိတ်အပိုင်း တော်တော်များများကို ပိတ်ထားပေမယ့် ကျန်ကောင်းမွန်တဲ့ အပိုင်းများကိုတော့ အသုံးပြု နေဆဲဖြစ်ပါတယ်။ ထိုဥမင်များကို ဖောက်လုပ်ရတဲ့ အဓိက ရည်ရွယ်ချက် ဖြစ်နိုင်တာတွေ ကတော့ ဆိုးရွားတဲ့ ရာသီဥတု အခြေအနေမှာ လူများမြေအောက်မှ အလွယ်တကူ သွားလာနိုင်အောင် အပြင် အရေးပေါ် ထွက်ပေါက်အနေနှင့်ပါ စီမံ ဖောက်လုပ်ခဲ့တာ ဖြစ်ပါတယ်။

Rochester မှာရှိတဲ့ Mayo Clinic အဆောက်အအုံများကိုလည်း မြေအောက်မှ ဥမင်များ ချိတ်ဆက် ထားပါတယ်။ အခြား စီးပွားရေး ဆိုင်ရာ များကိုလည်း မြေအောက် စင်္ကြံ့ အတွင်း တွေ့ရှိရမှာ ဖြစ်ပါတယ်။ မြေအောက် ရထားလမ်းများ မရှိသည့် တိုင်အောင် subway လို့ တစ်ခါတစ်ရံ ခေါ်ဝေါ် ကြပါတယ်။ မြို့တောင်ပိုင်းမှာရှိတဲ့ New York – Nazareth ကောလိပ် အတွင်းမှာလည်း ကျယ်ပြန့်တဲ့ မြေအောက် ဥမင် ကွန်ယက်ရှိပြီး ကျောင်းသား အိပ်ဆောင်များနှင့် ကျောင်းနယ်မြေ အတွင်းရှိ အဓိက အဆောက်အအုံ များကို ချိတ်ဆက်ထားပါတယ်။

Washington ပြည်နယ်၊ Seattle မြို့မှာ မြေအောက်ကမ္ဘာ အသစ်အပြင် သမိုင်းဝင် မြေအောက်ဥမင်ကွန်ယက်များကို တွေ့ရမှာဖြစ်ပါတယ်။ Westlake မှာရှိတဲ့ ဈေးရောင်းဆိုင်တန်းများကို မြေအောက်ဥမင်များနှင့် ချိတ်ဆက်ထားပြီး ကားလမ်းဥမင်နှင့်ပါ ချိတ်ဆက်ထားပါတယ်။ အခြား မြေအောက်ကမ္ဘာ အနေနှင့် Two Union Square မှ Rainier Square ကိုချိတ်ဆက်ထားပြီး ဟိုတယ်များ၊ The 5th Avenue ပြဇာတ်ရုံ နှင့် အခြားအရောင်းဆိုင်များပါဝင်ပါတယ်။ Pioneer Square မှာရှိတဲ့ Seattle Underground Tour ကို ဧည့်သည်များကို ဆွဲဆောင်ရာနေရာ တစ်ခုအဖြစ် တည်ရှိနေတာ ကိုတွေ့ရပါတယ်။

ကမ္ဘာပေါ်မှာရှိတဲ့ နိုင်ငံတော်တော်များများမှာ မြေအောက်ကမ္ဘာတွေကို ပုံစံအမျိုးမျိုး၊ အသုံးပြုပုံအမျိုးမျိုးနှင့် တွေ့ရှိရပါတယ်။ ကျွန်တော်တို့နိုင်ငံအနေနှင့် မြေအောက်မှာ ဟိုတယ်တွေ၊ စားသောက်ဆိုင်တွေ၊ ဈေးဆိုင်တန်းတွေနှင့် အများပြည်သူသုံးနေရာများ တည်ဆောက်ရေးထက် မြို့ပြလူနေမှုအရ လိုအပ်ချက် ဖြစ်လာမယ့် သယ်ယူပို့ဆောင်ရေးပြဿနာများကို ဖြေရှင်းနိုင်ဖို့ရာ မြေအောက် သယ်ယူ ပို့ဆောင်ရေး စနစ်တစ်ခုကို ဦးစွာ အကောင်အထည်ဖော်နိုင်ရန် ကြိုးပမ်းအားထုတ် သွားရမှာ ဖြစ်ကြောင်း သုံးသပ် တင်ပြလိုက်ပါတယ်။

ယ

နေ့အချိန်အခါတွင် ကမ္ဘာ့မြို့ကြီးများ အရှိန်အဟုန်ဖြင့် ကြီးမားလာမှုနှင့်အတူ ခရီးသည်ပို့ဆောင်ရေး စီးဆင်းမှုသည်လည်း အဆမတန် တိုးတက်များပြား လာနေပါသည်။ ထို့ကြောင့် လည်ပတ်လျက်ရှိနေသည့် ခရီးသည် ပို့ဆောင်ရေး ကွန်ယက်လမ်းကြောင်း များဖြစ်သည့် ဘတ်စ်ကား၊ ထရော်လီကား နှင့် ထရန်ဘတ်စ်ကား များသည် တိုးတက်လာသော သယ်ယူပို့ဆောင်ရေး လိုအပ်မှုကို လုံလောက်အောင် မဖြည့်ဆည်းနိုင်ခြင်း၊ ဖြစ်ပေါ်နေသည့် မြို့ပြသယ်ယူ ပို့ဆောင်ရေး ပြဿနာများကို မဖြေရှင်းနိုင်ခြင်းတို့ ဖြစ်ပေါ်လာသည်။ ခရီးသွားဦးရေ များပြားလာမှု၊ သွားလာရသည့် ခရီးလမ်းကြောင်း ရှည်လျားလာမှု တို့ကြောင့် ကြန့်ကြာမည့် ခရီးသွားချိန်ကို လျော့ချနိုင်ရန် သယ်ယူပို့ဆောင်ရေး အမြန်နှုန်း မြင့်မားလာရန်လည်း လိုအပ်သည်။ တစ်ချိန်တည်းမှာပင် ခရီးသွားပြည်သူများ၏ ယုံကြည်အားကိုးမှု၊ အန္တရာယ်ကင်းရှင်းမှု၊ သက်သောင့် သက်သာဖြစ်မှု တို့ကိုလည်း တိုးတက်အောင် ဆောင်ရွက်ပေးရန် လိုအပ်လာသည်။

မြန်မာနိုင်ငံတွင်လည်း နိုင်ငံလူဦးရေ လျှင်မြန်စွာ တိုးတက်လာမှုကြောင့် မြို့ကြီးများတွင် နေထိုင်သူဦးရေနှင့် သယ်ယူပို့ဆောင်ရေးများလည်း တိုးတက် များပြားလာခြင်းနှင့်အတူ အင်ဂျင်နီယာဆိုင်ရာ ဆောက်လုပ်ရေး ပြဿနာများကို အခြေကျနေသော ဧရိယာများတွင် ဖြေရှင်းရန် လိုအပ်လာသည်။ မြို့တွင်းသယ်ယူ ပို့ဆောင်ရေးစနစ် ကောင်းမွန်မှုသည်လည်း ထိုမြို့၏ ဖွံ့ဖြိုးတိုးတက်မှုကို အထောက်အကူ ပြုနေသည်။ အထူးသဖြင့် မြန်မာနိုင်ငံ၏ မြို့တော်ရန်ကုန်တွင် မြို့တွင်း သယ်ယူ ပို့ဆောင်ရေးများ ကောင်းမွန်ရန် အရေးကြီးသည်။ မြို့ပြသယ်ယူ ပို့ဆောင်ရေးစနစ် ဖွံ့ဖြိုးမှုလိုအပ်ချက်သည် ထိုမြို့၏ လူဦးရေပေါ်တွင် မူတည်သော လက်ရှိ အဆင့်ပေါ်၌ မူတည်သည်။ မြို့များကို နေထိုင်သူဦးရေ ၂သိန်းခွဲမှ ၅သိန်းအထိကို မြို့ကြီး၊ ၅သိန်းနှင့်အထက်ကို ပို၍ကြီးသောမြို့ အဖြစ် သတ်မှတ်ကြသည်။ ရန်ကုန်မြို့၏ လက်ရှိ နေထိုင်သူဦးရေသည် ၆ သန်းခန့် ရှိနေပြီဖြစ်သည်။

ရန်ကုန်မြို့တော်တွင် အဓိကမြို့တွင်း သယ်ယူပို့ဆောင်ရေးအဖြစ် ဘတ်စ်ကားများနှင့် မြို့ပတ်မီးရထားများ အသုံးပြုနေပါသည်။ ထိုပို့ဆောင်ရေး အမျိုးအစားများသည် မြို့တော်၏ ခရီးသွားလာရေး ပမာဏအတွက် လုံလောက်မှု မရှိသေးပေ။ မြို့နေ လူဦးရေ တိုးတက်မှုနှုန်း ၄-၅ ဆ မြင့်တက်လာခြင်းနှင့်အတူ များပြားလာသော ဘတ်စ်ကား အရေအတွက်များကြောင့် မြို့တွင်း ကားလမ်းများတွင် မော်တော်ယာဉ်များ ပိတ်ဆို့ခြင်း၊ ကားရပ်ရန်နေရာ မလုံလောက်ခြင်းများသည် မြို့တွင်းသယ်ယူ ပို့ဆောင်ရေးကို ဖြေရှင်းရာတွင် အခြေခံအကျဆုံး ပြဿနာအဖြစ် ဦးစွာ တွေ့ကြုံရမည်။

မျက်မှောက်ကာလ၌ မြို့ကြီးများ၏ သယ်ယူပို့ဆောင်ရေး ပြဿနာများကို ဖြေရှင်းရာတွင် အခြားသော မြို့နေရာချထားမှု အခက်အခဲများနှင့် ဆက်စပ်နေခြင်းကိုသာ စဉ်းစားလာကြသည်။ ပထမဦးစွာ မြို့ပြသယ်ယူ ပို့ဆောင်ရေး ကွန်ယက် တည်ဆောက်ရေး နေရာချထားခြင်း နှင့်ပို၍ အဆင်ပြေသော ခရီးသွား ၀န်ဆောင်ခြင်း တို့အတွက် မြို့ပြနယ်နမိတ်၏ အကျယ်အ၀န်းကို ချုံ့ရန် လိုအပ်လာသည်။ လူဦးရေ ၁ သန်းနှင့် အထက်ရှိသော မြို့ကြီးများတွင် မြို့တွင်းသယ်ယူ ပို့ဆောင်ရေးအဖြစ် မြေအောက် ရထားလိုင်းများ ဆောက်လုပ်၍ ခရီးသွားလာရေး သိပ်သည်းမှု ပြဿနာများကို အောင်မြင်စွာ ဖြေရှင်းလာကြသည်။ ၎င်းမြေအောက် ရထားများ၏ ထူးခြားချက်များမှာ သယ်ယူ ပို့ဆောင်နိုင်မှု စွမ်းအား ကြီးမားခြင်း၊ သွားလာနှုန်း မြန်ဆန်ခြင်း (၁နာရီလျှင် ကီလိုမီတာ ၁၀၀ နှုန်းအထိ)၊ ရွှေ့လျားမှုနှုန်း ပုံမှန်ရှိခြင်း (ရွှေ့လျားမှု ကွာဟချိန် ၁ မိနစ်မှ ၅ မိနစ်အတွင်း) တို့ဖြစ်သည်။

မြေအောက်ရထား ဆိုသည်မှာ လျှပ်စစ်စွမ်းအားဖြင့် သံလမ်းများပေါ်တွင် ရွေ့လျားသော မြို့ပြသယ်ယူ ပို့ဆောင်ရေးယာဉ် အမျိုးအစားဖြစ်သည်။ ၎င်းမြေအောက် ရထားများတွင် သွားလာမှု အန္တရာယ် ကင်းရှင်းရေးစနစ် ပိုမိုကောင်းမွန်အောင် ပြုလုပ်ထားပြီး၊ ခရီးသည်များကို လျင်မြန်စွာဖြင့် ပမာဏများစွာ သယ်ယူ ပို့ဆောင်နိုင်ရေးအတွက် တီထွင်ထားခြင်းဖြစ်သည်။ မြို့ကြီးအများစုတွင် မြေအောက် ရထားများသည် ၎င်းတို့၏ ကိုယ်ပိုင် အရွယ်အစားများဖြင့် တည်ဆောက်ထားသောကြောင့် သာမာန် မီးရထားများကို အသုံးပြုရန် မဖြစ်နိုင်ပေ။

ကြီးမားသော အကျိုးသက်ရောက်မှု လိုအပ်ချက်နှင့် မြို့အတော်များများတွင် မြေအောက်ရထား အသစ်များတိုးချဲ့ တည်ဆောက်နေခြင်းကြောင့် သယ်ယူပို့ဆောင်ရေးတွင် မြေအောက်ရထား၏ အခန်းကဏ္ဍသည် လူဦးရေများပြားသော မြို့ကြီးများ၌ ဆက်လက်ဖွံ့ဖြိုး လာလိမ့်မည်။ မြို့များ၏ မြေပေါ်ပို့ဆောင်ရေး စွမ်းအား မလုံလောက်သောအခါ ခရီးသွား သိပ်သည်းမှုအတွက် ထိုခရီးလမ်းတွင် မြေအောက် ရထားများ တည်ဆောက်ရန် လိုအပ်လာသည်။

အတွေ့အကြုံများအရ ခရီးလမ်းကြောင်း တစ်ခုတွင် တစ်နာရီလျှင် ခရီးသည် နှစ်သောင်းနှင့် နှစ်သောင်းခွဲထက် မနည်းမှသာ မြေအောက်ရထားကို တည်ဆောက် အသုံးပြုရန် သင့်လျော်ပေသည်။ ၎င်းအရေအတွက်နှင့် ထို့ထက်ပိုမိုသော အရေအတွက်များ အတွက် မြေအောက် ရထားများသာလျှင် ခရီးသည် ပို့ဆောင် သယ်ယူရာတွင် သက်တောင့်သက်သာ အဖြစ်ဆုံး ဆောင်ရွက်ပေးနိုင်သည်။ စီးပွါးရေး ရှုထောင့်အရ တစ်နှစ်တွင် တစ်ကီလိုမီတာ အကွာအဝေး သွားလာမှုခရီး တစ်ခုအတွက် သယ်ယူပေးသည့် ခရီးသည် ပမာဏ ၆သန်း၊ ၆သန်းခွဲထက် မနည်းလျှင် အဆင်ပြေအကျိုးရှိသည်။

မြေအောက်ရထားများ၏ အဓိကကောင်းကျိုးများမှ တစ်ခုမှာ မြို့ပြနယ်နမိတ်ကို ထိန်းသိမ်းနိုင်ခြင်းဖြစ်သည်။ မြို့ကြီးများ၏ အဆောက်အဦးများနှင့် ပြည့်နေသော မြို့လယ်အတွင်းရှိ အနုပညာ လက်ရာများဖြင့် ပြည့်စုံသော၊ သမိုင်းဝင် အထိမ်းအမှတ် အမျိုးမျိုးကို ထိန်သိမ်းထားသည့် နေရာများ၊ မြေအောက်အနက်ပိုင်းတွင်ရှိသော ရေနုတ်မြောင်းများ တည်ရှိသည့် ဧရိယာများတွင် မြေအောက်ရထား လိုင်းများကို တည်ဆောက်ရာတွင် ကုန်ကျစရိတ်မြင့်မားသော်လည်း မြေအောက်နက်သော နေရာများတွင် တည်ဆောက်ကြသည်။ အများအားဖြင့် မြေအောက်ရထားလိုင်းများ တည်ဆောက်ရာတွင် မြေအောက် တိမ်သည့်နေရာများ (မြေမျက်နှာပြင်မှ အောက်ဘက် အနက် ၁၅ မီတာ) တွင် တည်ဆောက်သည်။ မြေအောက် အတိမ်ပိုင်းရှိ မြေအောက်ရထားများ၏ တည်ဆောက်မှု ကုန်ကျစရိတ်သည် အနက်ပိုင်းမြေ အောက်ရထားကုန်ကျစရိတ်၏ တစ်ဝက်သာ ကုန်ကျသည်။ ထို့အပြင် မြေအောက်အတိမ်ပိုင်းရှိ ရထား လိုင်းများသည် ခရီးသွားများအတွက် ပို၍ သက်တောင့် သက်သာ ရှိစေသည်။

မြေအောက် ရထားလိုင်းများကို လူနေထူထပ်သော နေရာများ၊ စက်မှုဇုန်များ နှင့် ယဉ်ကျေးမှု အဆောက်အအုံ၊ နယ်မြေများ တစ်လျောက် ဖေါက်လုပ်ကြသည်။ ၎င်းတို့၏ အခြေအနေများပေါ်တွင် မူတည်၍ မြေအောက်ရထား လမ်းကြောင်းများကို မြို့၏လူဦးရေ သိပ်သည်းရာ နေရာများတွင် ဖေါက်လုပ်ပြီး၊ မြေအောက်ဘူတာများနှင့် လမ်းဆုံများကို မြို့၏ အချက်အချာကျသော ခရီးသွား များပြားသည့်နေရာများ၊ မြေပေါ် မြို့တွင်းပို့ဆောင်ရေး ကားမှတ်တိုင်များ တည်ရှိရာနေရာများတွှင် တည်ဆောက်ကြသည်။

မြေအောက်ရထား ဘူတာများသည် ခရီးသွားထူထပ်သော နေရာများတွင် တည်ရှိကြပြီး၊ ဘူတာ တစ်ခုနှင့် တစ်ခု အကွာအဝေးသည် ဖွံ့ဖြိုးတိုးတက်မှုနှင့် ဆက်စပ်နေသော လူဦးရေသိပ်သည်းမှု ပမာဏ ပေါ်တွင် မူတည်သည်။ မြေအောက်ဘူတာများကြား အကွာအဝေးသည် မီတာ ၁၀၀၀-၂၀၀၀ ဖြစ်သည်။ မြေအောက်ဘူတာများကို လမ်းကြောင်းအဖြောင့်နေရာများတွင် တည်ဆောက်ကြပြီး၊ ဆင်ခြေလျော ၃‰ ထားရှိရမည်။ သို့သော်လည်း ခက်ခဲသော အခြေအနေများတွင် ဆင်ခြေလျော ၅‰ နှင့် လမ်းကြောင်း အကွေ့၏ အချင်းဝက် ၈၀၀ မီတာအောက် ငယ်သောနေရာများတွင်လည်း တည်ဆောက်ကြသည်။ မြေမျက်နှာပြင် ညီသော နေရာများတွင်လည်း ရေနှုတ်မြောင်းများ ထားရှိပြီး မြေအောက်ဘူတာများကို တည်ဆောက်နိုင်သည်။

ဆောက်လုပ်သည့် ပုံစံများကိုမူတည်၍ မြေအောက်ဘူတာများကို single-span, double-span, multispans, singe-arched, doudle-arched, three-arched, many-arched, one-layered နှင့် many-tier ဟူ၍ခွဲခြားနိုင်သည်။

မြေအောက် ရထားဘူတာ တည်ဆောက်ရာတွင် အသုံးပြုသည့် တည်ဆောက်ရေး ပစ္စည်းများအဖြစ် မိုနိုလစ် ကွန်ကရစ် (monolithic concrete)၊ မိုနိုလစ် သံကူကွန်ကရစ် (monolithic reinforced concrete)၊ ပုံသွန်း သံထည်များ (cast-iron tubes)၊ သံမဏိယက်မများ (steel girders) နှင့် သံကူကွန်ကရစ် ဘလောက်များ (reinforced blocks) ကို အသုံးပြုကြသည်။ မျက်မှောက်ကာလတွင် ကျယ်ပြန့်စွာ အသုံးပြုမှု အများဆုံး၊ ကုန်ကျစရိတ် အသက်သာဆုံး တည်ဆောက်ရေး ပစ္စည်းအဖြစ် စက်ရုံများတွင် ထုတ်လုပ်သော သံကူကွန်ကရစ် ဘလောက်တုံးများကို အသုံးပြုသည်။

မြေအောက်ရထား ဘူတာများကို တည်ဆောက်သည့် ဒေသ၏ ဘူမိဗေဒ၊ မြေအောက်ရေနှင့် ဘူမိအခြေအနေများ၊ မြို့ပြ အဆာက်အဦး တည်ရှိမှု အနေအထားများ ပေါ်တွင်မူတည်၍ မြေအောက် အနက်ပိုင်း (Deep)၊ အတိမ်ပိုင်း (shallow) နှင့် မြေပေါ် (surface) ဘူတာများ အဖြစ် တည်ဆောက်ကြသည်။

မြေအောက်ဘူတာ ဆောက်လုပ်ရာတွင် ဆောက်လုပ်မှု နည်းလမ်းများ အဖြစ် မာကြောသော မြေသားများတွင် ယမ်းဖောက်ခွဲသော နည်းလမ်းကိုသုံး၍ (drilling and blasting method)၊ ပျော့သောမြေနေရာတွင် TBM(shield) ဖြင့်ဖေါက်လုပ်သော နည်းလမ်းကို အသုံးပြုသည်။ ရှုပ်ထွေးသော မြေအောက်ရေ အနေအထားနှင့် ဘူမိအခြေအနေတွင် မြေကြီးကို ထိန်းထားပေးနိုင်မည့် အမျိုးမျိုးသော အခြားနည်းလမ်း များကိုလည်း အသုံးပြုသည်။

မြေအောက် အတိမ်ပိုင်းရှိ အဖွင့်နည်း (cut and cover method) ဖြင့် ဆောက်လုပ်သော မြေအောက် ရထား ဘူတာများကို ၎င်းတို့၏ ဆောက်လုပ်သည့် ပုံစံကိုမူတည်၍ တိုင်များ ( column ) ပါသောဘူတာများ နှင့် single-arched ဘူတာများဟူ၍ ခွဲခြားနိုင်သည်။ မြေအောက်အနက် တိမ်သောနေရာတွင် တည်ရှိသော မြေအောက် ဘူတာ ဆောက်လုပ်ရေးတွင် ပေါင်းစပ် သံကူကွန်ကရစ် သို့မဟုတ် မိုနိုလစ် သံကူကွန်ကရစ် များကိုသုံးပြီး၊ ဆောက်လုပ်ပြီးလျင် တူးထားသည့်မြေများကို အဆောက်အဦး အပေါ်မှ ပြန်၍ဖို့သည်။ ၎င်းနည်းဖြင့် တည်ဆောက်သော three-span မြေအောက်ရထား ဘူတာများတွင် ပေါင်းစပ်သံကူကွန်ကရစ် (combined concrete) ဖြင့် ပြုလုပ်ထားသော ယက်မများကို တွင်ကျယ်စွာ အသုံးပြုကြသည်။

အဖွင့်နည်းဖြင့် ဆောက်လုပ်ခြင်းကို ကတလာဘန် (foundation ditch)၊ တရန်ရှေး (trench) နှင့် ရွေ့လျားအထောက်များ (Movable lining) အသုံးပြုခြင်းဟူ၍ ခွဲခြားနိုင်သည်။ ကတလာဘန်ဖြင့် ဆောက်လုပ် သောနည်းတွင် တစ်ပြိုင်နက်တည်း လိုချင်သည့် မြေအောက်အနက် အထိတူးပြီး ဆောက်လုပ်ခြင်း ဖြစ်သည်။ တရန်ရှေး နည်းလမ်းမှာမူ ဦးစွာမြေအောက် အဆောက်အဦး၏ နံရံများကို ဆောက်လုပ်ပြီး၊ နောက်မှ ကျန်သည့် အစိတ်အပိုင်းများကို တည်ဆောက်ကာ မြေကြီး ပြန်လည်ဖို့ရသော နည်းဖြစ်သည်။ ရွေ့လျား အထောက်သုံး နည်းလမ်းတွင် မြေအောက် ဆောက်လုပ်ရေးကို အထူး ပြုလုပ်ထားသော မျက်နှာပြင်အပွင့် shield များကိုသုံး၍ တပ်ဆင်ပြီးကွန်ကရစ်နံရံ (lining) များ၏ အကူအညီဖြင့် ထို shield များက ရွေ့လျားကြသည်။

မြေအောက်အနက် ၁၀ မီတာ အထိတွင် တည်ရှိသော မြေအောက် ဘူတာများ၊ ၎င်းအပြင် မြေအောက်အနက် ၂၀ မီတာ အထိပါ ကတလာဘန် များဖြင့် တည်ဆောက်သည်။ ယခုအခါ တရန်ရှေး နည်းဖြင့် ဆောက်လုပ်မှုသည် မြေအတွင်းနံရံ (wall in the ground) ဟူသော နည်းလမ်းအဖြစ် သီးခြား ရပ်တည်လာသည်။ မြို့အတွင်း မြေအောက်ရထား ဘူတာများ တည်ရှိမှုပေါ် မူတည်၍ ကတလာဘန်များကို ဆင်ခြေလျောများ သို့မဟုတ် နံရံဖြင့်ထိန်းပြီး တူးဖေါ်ကြသည်။

မြေအတွင်းနံရံ နည်းလမ်းသည် တည်ရှိပြီး အဆောက်အဦးများနှင့် နီးကပ်သောနေရာတွင် အလွန်နက်သော ကတလာဘန်များ ဆောက်လုပ်ရာတွင် အဆင်ပြေစွာ အသုံးပြုနိုင်သည်။ ထိုနည်းတွင် ဆောက်လုပ်ရေးအတွက် စက်ကိရိယာ အမျိုးအစားအသစ်များ အသုံးပြုရန် မလိုဘဲ၊ ပုံမှန် တည်ဆောက်ရေး လုပ်ငန်းသုံး စက်ပစ္စည်းများနှင့် အထောက်အကူ ပစ္စည်းများကို အသုံးပြုနိုင်သည်။

လက်တွေ့ဆောက်လုပ်ရေး နယ်ပယ်တွင် မြေအတွင်းနံရံ နည်းပညာ လျင်မြန်စွာ တိုးတက်လာခြင်းမှာ ဆောက်လုပ်မှုရိုးရှင်း လွယ်ကူခြင်း၊ လုပ်အားအသုံးပြုမှု နည်းပါးခြင်း၊ ကုန်ကျစရိတ် သက်သာခြင်း တို့ကြောင့် ဖြစ်သည်။ ထိုအချက်များကြောင့် အဆောက်အဦးများဖြင့် ပြည့်နေသော နေရာများနှင့် စက်မှုလုပ်ငန်း နယ်မြေများတွင် မြေအောက် တည်ဆောက်ရေး လုပ်ငန်းများ၌ အခြားမြေအောက် ဆောက်လုပ်ရေး နည်းလမ်းများထက် ဤမြေအတွင်းနံရံ နည်းလမ်းကို အသုံးပြုမှု ပိုမိုများပြားလာကြပြီ ဖြစ်ကြောင်း တင်ပြရင်း နိဂုံးချုပ်လိုက်ပါသည်။

ဆောင်းပါရှင်- ထွန်းထွန်းနိုင်(မြို့ပြ)

ဒီ

နေ့ ဇူလိုင်လ ၅ ရက်နေ့မှာ ကျွန်တော်တို့ သွားခဲ့ရတဲ့ လုပ်ငန်းခွင်ကတော့ မော်စကိုမြို့ အနောက်မြောက် ဘက်ပိုင်းမှာ တည်ရှိတဲ့ မြေအောက်ရထားလမ်း ဥမင်တည်ဆောက်ရေး လုပ်ငန်းခွင်ပဲ ဖြစ်ပါတယ်။ မနက် ၉ နာရီမှာ ကျောင်းရှေ့ကနေ ဌာနက စီစဉ်ပေးတဲ့ မီနီဘတ်စ်ကားလေးနဲ့ စတင်ထွက်ခွာခဲ့ပါတယ်။ မိနစ် ၄၀ လောက်ကြာအောင် ကားစီးပြီးတဲ့ နောက်မှာ ကျွန်တော်တို့ လေ့လာမယ့် လုပ်ငန်းခွင် ရှိရာကို ရောက်ရှိခဲ့ပါတယ်။

ဒီလုပ်ငန်းခွင်ကတော့ Filevskaya လိုင်းလို့ခေါ်တဲ့ မော်စကိုမြို့ အနောက်မြောက်ဘက် ဒေသများနဲ့ မြို့တွင်းကို ဆက်သွယ်ပေးထားတဲ့ လိုင်းကို တိုးချဲ့ဖောက်လုပ်နေတဲ့ မြေအောက်ရထားလမ်း ဥမင်တူးဖော်ရေး လုပ်ငန်းခွင် ဖြစ်ပါတယ်။ Krylatskoe ဘူတာနဲ့ Myakininskaya ဘူတာနှစ်ခုကြားကို ချိတ်ဆက်ပေးမဲ့ မြေအောက် ရထားလမ်း လိုဏ်ခေါင်း ဖြစ်ပါတယ်။ ဒီဥမင်ကို တာဝန်ယူ ဖောက်လုပ်နေတဲ့ အဖွဲ့အစည်းကတော့ ဥမင်လိုဏ်ခေါင်း အထူးအဖွဲ့လို့ ခေါ်တဲ့ TO-6 အဖွဲ့ဖြစ်ပါတယ်။ ယခုအချိန်မှာ ဖောက်လုပ်ပြီး ဥမင်လိုဏ်ခေါင်း အရှည် ၁ ကီလိုမီတာခွဲ ကျော်ကျော် ရောက်ရှိနေပြီ ဖြစ်ပါတယ်။ ဥမင်ကို Krylatskoe ဘူတာအနီးရှိ Starting shaft မှ LOVAT ကုမ္မဏီထုတ် Earth pressure balance shield နဲ့ တူးဖော်နေတာ ဖြစ်ပါတယ်။ တူးဖော်ပြီး မြေစာများကိုတော့ Herrenknecht ကုမ္မဏီထုတ် conveyor နဲ့ သယ်ယူတာ ဖြစ်ပြီး Starting shaft မှတဆင့် မြေသယ်ကားများနဲ့ သယ်ထုတ်တာကို တွေ့ရပါတယ်။ လက်ဝဲဘက် ဥမင်ကိုကတော့ ဖောက်လုပ်ရေး လုပ်ငန်းများ အားလုံးပြီးစီးနေပြီး ဖြစ်ပြီး လက်ယာဘက်ဥမင်ကတော့ ဖောက်လုပ်ဆဲ ဖြစ်ပါတယ်။ ရေလုံ သံကူကွန်ကရစ် ဘလောက်တုံး lining ကို အသုံးပြုတပ်ဆင်ထား အသုံးပြုထားပါတယ်။ စက်စွမ်းအားပြည့် လည်ပတ်နိုင်ပေမဲ့ လုံလောက်တဲ့ ကွန်ကရစ် ဘလောက်တုံးများကို စက်ရုံမှ အသင့် မထုတ်ပေးနိုင်တာကြောင့် တစ်လလျှင် ဥမင်တူးဖော်ပြီးစီးမှု ၂၉၀ မီတာကျော်ပဲ ရောက်ရှိတယ်လို့ ဆိုပါတယ်။

ကျွန်တော်တို့ အဖွဲ့ ဥမင်လုပ်ငန်း စတင်ရာ Starting shaft ကိုရောက်ရှိတဲ့ အခါမှာ အဆိုပါ လုပ်ငန်းခွင်မှာ တာဝန်ရှိသူများက ကြိုဆိုပြီး ဥမင် ဖောက်လုပ်ရေး မြေပေါ်လုပ်ငန်းခွင်၊ ကွန်ကရစ် ဘလောက်တုံး ထုတ်လုပ်ရေး စက်ရုံနဲ့ အခြား အဆောက်အဦးများကို လိုက်လံရှင်းလင်း ပြသပါတယ်။ ထို့နောက်မှာ ဥမင်တူးဖော်ရေး လုပ်ငန်းများ လုပ်ကိုင်နေတဲ့ Starting shaft ထဲကို ဆင်းပြီး ဖောက်လုပ်ပြီး လက်ဝဲဘက် ဥမင်ကို ဦးစွာ လေ့လာကြည့်ရှု ကြပါတယ်။ ဥမင်အတွင်းပိုင်း လုပ်ငန်းများ ရာနှုန်းပြည့်နီးပါပြီးစီးနေပြီး ရထားပြေးဆွဲရန် အတွက် လိုအပ်သော လျှပ်စစ်လွှတ်ထားမည့် လိုင်း (Third rail) နှင့် အခြား cable pipe များသာ တပ်ဆင်ရန် ကျန်ရှိပါတော့တယ်။ ဥမင်အတွင်း တပ်ဆင်ထားသော ကွန်ကရစ် ဘလောက်တုံးများကို အဓိက လေ့လာကြည့်ရှုခွင့် ရရှိပြီး လုပ်ငန်းခွင် တာဝန်ရှိသူများမှ ပြည့်စုံစွာ ရှင်းလင်း ပြောကြားပေးပါတယ်။

ထို့နောက် ကျွန်တော်တို့ အဖွဲ့ဟာ လက်ယာဘက် တူးဖော်နေသော ဥမင် လိုဏ်ခေါင်းထဲကို ၀င်ရောက် ခဲ့ပါတယ်။ ဥမင်အလျား ၁.၅ ကီလိုမီတာကျော် တူးဖော်ပြီးစီးနေပြီ ဖြစ်လို့ ဥမင်တူးဖော်ရာ မျက်နှာပြင် (လုပ်ငန်းခွင်) အထိရောက်အောင် တော်တော်လေး လမ်းလျှောက် ကြရပါတယ်။ ဥမင်အတွင်း လေ၀င်လေထွက် ကောင်းအောင် ပြုလုပ်ထားသော်လည်း ကွန်ကရစ် ဥမင်ဖြစ်သည့်အတွက် အသက်ရှုရတာ မကောင်းလှပါ။ ဥမင်တလျှောက် ရေစိမ့်ဝင်မှုမှ ကာကွယ်ရန်အတွက် နောက်ဆုံးအဆင့် ဘိလပ်မြေ မှုတ်သွင်းခြင်းလုပ်ငန်း (injection) လုပ်ကိုင်နေတာကို တွေ့ရပါတယ်။ နာရီဝက်ခန့် လှမ်းလျှောက်ပြီးတဲ့ နောက်မှာ ဥမင်တူးဖော်နေတဲ့ လုပ်ငန်းခွင် မျက်နှာပြင်ကို ရောက်ရှိပါတယ်။ Mechanized complex တစ်ခုလုံးကတော့ LOVAT ကုမ္မဏီထုတ် complex ဖြစ်ပြီး Shield နဲ့ တဆက်တည်း ပါရှိပါတယ်။ ကွန်ကရစ် lining ဘလောက်တုံးများကို စက်ဝိုင်းပုံ ဘလောက် erector နဲ့ တပ်ဆင်ပါတယ်။ ကျွန်တော်တို့ ရောက်သွားတဲ့ အချိန်မှာတော့ ကွန်ကရစ်ဘလောက်တုံးများ တပ်ဆင်ပြီးစီးလို့ complex နဲ့ shield ကို ရှေ့ကိုတိုးဖို့ ဆောင်ရွက်နေချိန်ဖြစ်ပါတယ်။ အဆိုပါ တူးဖော်ရေးနဲ့ တပ်ဆင်ရေး လုပ်ငန်းခွင်မှာ လုပ်ကိုင်နေတဲ့ အလုပ်သမား ၅/၆ ယောက်ခန့်ကို တွေ့ရပါတယ်။ EPB shield ရှေ့ကို ရောက်တဲ့ အချိန်မှာတော့ လုပ်ငန်းခွင်တာဝန်ရှိသူများက Shield နဲ့ပတ်သက်ပြီး ရှင်းလင်းပြောကြား ပေးပါတယ်။

ဒီနေ့ ခရီးစဉ်မှာတော့ ကျွန်တော်တို့ အဖွဲ့ဟာ မြေအောက် ရထားလမ်း ဥမင်လိုဏ်ခေါင်း တူးဖော်ရေးနဲ့ ပတ်သက်လို့ အတွေ့အကြုံများစွာ ရရှိလိုက် ပါတယ်။ ဥမင်လိုဏ်ခေါင်း တူးဖော်ရေး လုပ်ငန်း အဆင့်ဆင့်ကိုလည်း ယခင်ကထက် ပိုမို သဘောက်ပေါက် နားလည်ခဲ့ကြပါတယ်။ အပြန် ခရီးမှာတော့ ကျွန်တော်တို့ အဖွဲ့ဟာ စုပေါင်းဓာတ်ပုံတွေ ရိုက်ခဲ့ကြပြီး မီနီဘတ်စ်ကားနဲ့ပဲ အဆောင်ကို ပြန်ခဲ့ပါတယ်။ လိုက်ပါ ပို့ဆောင်ပေးတဲ့ ဆရာ၊ ဆရာမများနဲ့ လုပ်ငန်းခွင် အတွင်း စေတနာပါပါနဲ့ လိုက်လံ ရှင်းလင်း ပြသပေးတဲ့ တာဝန်ရှိသူများကို အထူးပဲ ကျေးဇူးတင်ရှိပါကြောင်း ဒီပို့စ်နဲ့ ရေးသား ဖော်ပြလိုက်ရပါတယ်။

ဗီဒီယိုဖိုင်

Related Posts
လုပ်ငန်းခွင် လေ့လာရေး(၁)

ဇူ

လိုင်လ ၃ ရက်နေ့က ဘွဲ့ယူပြီးတာနဲ့ မနားဘဲ ချက်ခြင်းဆိုသလို ဒီနေ့ ဇူလိုင်လ ၄ ရက်နေ့မှာ ကျွန်တော်တို့ Tunnel and metropolitan engineer အဖွဲ့ CNC-611 ဟာ လက်ရှိတည်ဆောက်နေတဲ့ မီထရို ဆောက်လုပ်ရေး လုပ်ငန်းခွင်တွေ ရှိရာကို လုပ်ငန်းခွင် လေ့လာရေး ခရီးထွက်ခဲ့ပါတယ်။ အရင် ကျောင်းသား ဘ၀တုန်းက လုပ်ငန်းခွင် လေ့လာရေးခရီးများကို မကြာခဏ ထွက်ခဲ့ရပေမယ့် ဒီတစ်ခါကတော့ အရင်အခေါက်များနဲ့ မတူအောင် အတွေ့အကြုံများစွာ ရရှိခဲ့ပါတယ်။ ကျွန်တော်တို့ မီထရိုနဲ့ ဥမင် အင်ဂျင်နီယာ အသစ်စက်စက်လေးများ အတွက် အဖိုးမဖြတ်နိုင်တဲ့ ပထမဆုံးသော အတွေ့အကြုံတစ်ခုလည်း ဖြစ်ပါတယ်။ စာသင်ခန်းထဲမှာ သင်ကြားခဲ့ရတဲ့ စာများ၊ နည်းစနစ်များကို တကယ့် မီထရို ဆောက်လုပ်ရေး လုပ်ငန်းခွင်ထဲမှာ နဖူးတွေ့၊ ဒူးတွေ့ ကိုယ်တိုင်ကိုယ်ကျ တွေ့မြင်ခဲ့ရတာဖြစ်လို့ အထူးကို ၀မ်းသာဂုဏ်ယူကြရပါတယ်။ ဘာနဲ့မှ တန်ဖိုးမဖြတ် နိုင်အောင်လည်း ခံစားရပါတယ်။ တကယ်တော့ ဒီလို လုပ်ငန်းခွင်မျိုးကို ၀င်ရောက် လေ့လာခွင့်ရဖို့ဆိုတာ ကြုံတောင့်ကြုံခဲ မဟာ အခွင့်အရေး တစ်ရပ်ဖြစ်နေလို့ပါပဲ။ ဘယ်လောက်ပဲ လေ့လာချင်စေအုံးတော့ ဆောက်နေတဲ့ လုပ်ငန်းကလည်း ရှိအုံးမှ ဒါမျိုးကဖြစ်မှာပါ။

နံနက် ၉ နာရီမှာ တက္ကသိုလ်ရှေ့မှာ လူစုပြီးတော့ လိုက်ပါပို့ဆောင်မယ့် ဌာနမှ ဆရာများနဲ့တကွ မီထရို ဆောက်လုပ်ရေး လုပ်ငန်းခွင်ရှိရာကို ခြေကျင်ပဲ သွားရောက်ခဲ့ကြပါတယ်။ ၁၅ မိနစ်သာသာခန့် လမ်းလျှောက်ခဲ့ကြ ပြီးနောက် လုပ်ငန်းခွင်ရှိရာကို ရောက်ရှိခဲ့ပါတယ်။ ဒီနေ့ ကျွန်တော်တို့ သွားရောက် လေ့လာရတဲ့ လုပ်ငန်းခွင်ကတော့ မော်စကို မီထရိုတို့ချဲ့ရေး စီမံကိန်းထဲက Lyublinsko- Dmitrovskaya Line ပေါ်မှာ တည်ဆောက်နေတဲ့ Dostoevskaya မြေအောက် ဘူတာရုံ ဆောက်လုပ်ရေး စီမံကိန်းဖြစ်ပါတယ်။ Syvarov square နဲ့ ရုရှားတပ်မတော် ကဇာတ်ရုံ ကြားမှာ တည်ရှိပြီး အ၀ိုင်းပတ် မြေအောက် ရထားလိုင်းနဲ့ Syvarov Square မြေအောက်ဘူတာ (မတည်ဆောက်ရသေး)မှာ ချိတ်ဆက်ပေးမှာ ဖြစ်ပါတယ်။ အဆိုပါ မြေအောက်ဘူတာမှာ မြေအောက် အဆောက်အအုံ တစ်ခုပါဝင်မှာ ဖြစ်ပြီး Dostoevskaya လမ်းနဲ့ Seleznevskaya လမ်းထောင့်မှာ တည်ရှိပါတယ်။ ဒီကားလမ်းမများရဲ့ တဖက်တချက်စီမှာ underground passage များနဲ့ မြေပေါ်ထွက်ပေါက်များ ထားရှိမှာ ဖြစ်ပြီး စုစုပေါင်းထွက်ပေါက် လေးခုရှိမှာ ဖြစ်ပါတယ်။

မြေအောက် ဘူတာရုံ အမျိုးအစားကတော့ Column-wall type station အမျိုးအစားဖြစ်ပြီး လက်ရှိအချိန်မှာ မြေအောက်ရထားလမ်း ဥမင်များ (interstation tunnels) နဲ့ လိုအပ်တဲ့ မြေအောက် ချဉ်းကပ်ဥမင်များကို တည်ဆောက်ပြီး ဖြစ်ပါတယ်။ အဆိုပါ မြေအောက်ဘူတာရုံကို ၁၉၈၈ ခုနှစ်ကတည်းက စတင် တည်ဆောက်ခဲ့ခြင်း ဖြစ်တယ်လို့ သိရပြီး ၁၉၉၆ ခုနှစ်မှာ ဘဏ္ဍာရေး အခြေအနေများကြောင့် ရပ်နားထားခဲ့ရမှ ၂၀၀၆ ခုနှစ် နှစ်ဦးပိုင်းကျမှ ဆောက်လုပ်ရေး လုပ်ငန်းများ ပြန်လည် စတင်နိုင်ခဲ့ခြင်း ဖြစ်ပါတယ်။ ဘူတာရုံ ဆောက်လုပ်ရေး လုပ်ငန်း တစ်ခုလုံးကို SMU-6 (Construction and Assembling Administration) မှတာဝန်ယူ ဖောက်လုပ်နေခြင်း ဖြစ်ကြောင်း သိရှိရပါတယ်။ အဆိုပါအဖွဲ့မှာ ကျွန်တော်တို့ မြန်မာနိုင်ငံမှာရှိတဲ့ တံတား/လမ်း အထူးအဖွဲ့များလို့ အဖွဲ့မျိုးဖြစ်ပြီး ထိုကဲ့သို့ မီထရို ဆောက်လုပ်ရေးအဖွဲ့များ များစွာ ရှိကြောင်းလည်း သိရပါတယ်။

ကျွန်တော်တို့ လေ့လာရေး အဖွဲ့မှာ ကျောင်းသားများနဲ့ ဆရာများ စုစုပေါင်း ၁၆ ဦးပါဝင်ပါတယ်။ မြေအောက်ဘူတာရုံ ဖောက်လုပ်ရေး လုပ်ငန်းခွင်အတွင်းနဲ့ မြေအောက် တူးဖော်ရေး လုပ်ငန်းများ လုပ်ကိုင်ရာ နေရာများကို SMU-6 အဖွဲ့မှာ အင်ဂျင်နီယာမှူးကြီး ကိုယ်တိုင် လိုက်လံရှင်းလင်း ပြသပေးပါတယ်။ ကျွန်တော့်ရဲ့ မဟာဘွဲ့ယူ စာတမ်းကို အတည်ပြု လက်မှတ်ရေးထိုး ပေးခဲ့သူမှာလည်း အဆိုပါ အင်ဂျင်နီယာမှူးကြီးပဲ ဖြစ်ပါတယ်။

မြေပေါ်မှာ ရှိတဲ့ လုပ်ငန်းခွင်ဧရိယာကတော့ မီတာ ၁၀၀၊ ၁၅၀ သာသာ ကျယ်ဝန်းပြီး အဆောက်အဦးများ၊ ဆောက်လုပ်ရေး ပစ္စည်းများကို ကျစ်လစ်စွာ ဖွဲ့စည်းထားရှိတာကို တွေ့ရပါတယ်။ လုပ်ငန်းခွင်ထဲကို ရောက်လာတဲ့ ကျွန်တော်တို့ လေ့လာရေး အဖွဲ့ဟာ ရောက်တာနဲ့ လုပ်ငန်းခွင် ၀တ်စုံများကို လဲလှယ် ၀တ်ဆင်ရပါတယ်။ အဲဒီနောက် အင်ဂျင်နီယာမှူးကြီးမှ ဦးဆောင်ပြီး မြေအောက် လုပ်ငန်းခွင်များ ရှိရာကို Vertical shaft မှတဆင့် ဓာတ်လှေကားနဲ့ ဆင်းကြရပါတယ်။ လမ်းတလျှောက်မှာ အင်ဂျင်နီယာမှူးကြီးက Construction site ရဲ့ဖွဲ့စည်းပုံ၊ လုပ်ဆောင်ပုံတွေကို ရှင်းလင်း ပြောပြသွားပါတယ်။ အခုဆောက်လုပ်နေတဲ့ မြေအောက်ဘူတာရုံဟာ မြေအောက် အနက် မီတာ ၆၀ မှာ တည်ရှိတယ်လို့ သိရပါတယ်။ ဓာတ်လှေကားက ထွက်လိုက်တော့ မြေအောက်ဥမင် လိုဏ်ခေါင်းထဲကို ရောက်ရှိသွားပါတယ်။ ဒီဥမင်လိုဏ်ခေါင်းက မြေအောက်ဘူတာရုံဥမင် ဖောက်လုပ်ရာမှာ လိုအပ်တဲ့ ကနဦး လုပ်ငန်းများ လုပ်ဆောင်ဖို့ တနည်းအားဖြင့် တူးပြီးသား မြေစာများ မြေပေါ်ကို တင်ပို့ခြင်း၊ မြေပေါ်မှ ဥမင်ဖောက်လုပ်ရေး ပစ္စည်းများ၊ lining segments များကို မြေအောက်သို့ ပို့ဆောင်ပေးခြင်း စသည်တို့ကို လုပ်ဆောင်တဲ့ ဧရိယာ တစ်ခုဖြစ်ပါတယ်။ ၅.၅ မီတာ အချင်းရှိတဲ့ ဒီလိုဏ်ခေါင်းမှာ မြေသယ်တွဲများ၊ စက်ခေါင်းများ၊ အခြား ဥမင်ဖောက် ကိရိယာများနဲ့ ရှုပ်နေပါတယ်။

ဥမင်အတွင်းမှာ လေ၀င်လေထွက် ကောင်းမွန်အောင် အထူးပြုလုပ်ထားပြီး မြေပေါ်မှာထက် ပိုမိုအေးစိမ့်နေတာကို သတိပြုမိပါတယ်။ လျှပ်စစ်မီးလုံးများကိုလည်း ဥမင်တလျှောက် တန်းစီထွန်းထားပြီး အလင်းရောင်လည်း ကောင်းစွာရရှိပါတယ်။ မြေအောက်ထဲမှာ လုပ်ကိုင်ရတဲ့ အခြေအနေများ၊ လုပ်ငန်းလုပ်ဆောင်ပုံများကို အင်ဂျင်နီယာမှူးကြီးက ရှင်းပြပေးပါတယ်။ စာသင်ခန်းထဲမှာ သင်ခဲ့ရတဲ့ lectures များအတိုင်း မကွာခြားတာကို တွေ့ရပါတယ်။ ကျွန်တော်တို့ ဆရာများကလည်း သင်ခန်းစာများနဲ့တကွ လက်တွေ့မှာ မြင်ရပုံများကို ရှင်းပြပေးပြီး တလက်စတည်း စာတွေလည်း ပြန်မေးပါသေးတယ်။

မြေအောက်ဘူတာရုံ တည်ရှိရာ မြေအမျိုးအစားကတော့ ခံနိုင်ဝန်အား အဆင့်သတ်မှတ်ချက် ၄ ရှိတဲ့ ရွံ့ကျောက်ဆန်တဲ့ မြေမျိုးဖြစ်ပါတယ်။ Drilling and blasting method ကိုအသုံးပြုကာ တူးဖော်ပြီး ဥမင် lining segment များကို Erector ရဲ့ အကူအညီနဲ့ တပ်ဆင်ပါတယ်။ မြေအောက်ဘူတာရုံ ဖောက်လုပ်မယ့် ဥမင်ရှိရာကို သွားတဲ့ ချဉ်းကပ်ဥမင်ငယ်များ ကို ဘူတာရုံ ထိပ်တဖက် တချက်စီကနေ vertical shaft နဲ့ ဆက်သွယ် ဖောက်လုပ်ထားပါတယ်။ ချဉ်းကပ်ဥမင်ငယ် နှစ်ခုမှာ တစ်ခုကိုတော့ ဥမင်အတွင် လေပေးစနစ် Ventilation အတွက် အသုံးပြုမှာ ဖြစ်ပြီးတော့ အချင်း ၅.၅ မီတာရှိတဲ့ စက်ဝိုင်းခြမ်းပုံ ဥမင်ဖြစ်ပါတယ်။ ကျန် ချဉ်းကပ်ဥမင်ကတော့ ထိပ်ပိုင်းကျဉ်းသွားတဲ့ လေးထောင့် ဥမင်ငယ်ဖြစ်ပြီး ကွန်ကရစ် lining နဲ့ ပြုလုပ်ထားကာ ဘူတာရုံ ဆောက်လုပ်ရေး လုပ်ငန်းပြီးပါက မြေပြန်ဖို့ပစ်မှာ ဖြစ်ကြောင်းသိရပါတယ်။

ကျွန်တော်တို့ အဖွဲ့ဟာ ဘူတာရုံ Lateral tunnel ဖောက်လုပ်နေတဲ့ လုပ်ငန်းခွင်နေရာကို ရောက်ရှိခဲ့ပါတယ်။ ကျွန်တော်တို့ ရောက်သွားတဲ့ အချိန်မှာတော့ မိုင်းခွဲခြင်း လုပ်ငန်းများပြီးစီးလို့ မြေသားများ သယ်ထုတ်နေတဲ့ အချိန်ဖြစ်ပါတယ်။ လုပ်ငန်းကို ခဏရပ်နားခိုင်းပြီးတော့ အင်ဂျင်နီယာမှူးကြီးက လုပ်ငန်းနဲ့ ပတ်သတ်တာတွေကို အသေးစိတ် ရှင်းပြပေးပါတယ်။ ကျောင်းသားများမှ မေးမြန်းသည်များကိုလည်း စိတ်ရှည်ရှည်နဲ့ ပြန်လည် ဖြေကြားပေးပါတယ်။ အသုံးပြုနေတဲ့ စက်များမှာလည်း စာအုပ်ထဲ၊ ဓာတ်ပုံထဲမှာသာ တွေ့မြင်ခဲ့ဖူးတာမို့လို့ အခုလို မျက်မြင်တွေ့ရှိရတဲ့ အခါမှာ အလွန်ကို အံ့သြ၀မ်းသာရပါတယ်။ ကျွန်တော်တို့ စက်ပုံစံတွေကို Drawing ဆွဲခဲ့တုန်းက မှန်းဆွဲခဲ့တာတွေလည်း ပါတော့ အခုတကယ့်အစစ်ကို တွေ့ရတော့မှ အချင်းချင်း ပြန်ပြောပြီး ရီရပါသေးတယ်။

အခုအချိန်မှာတော့ ပင်မဘူတာရုံကြီးရဲ ဘေးဘက်ဥမင်ကို စတင်ဖောက်လုပ် နေချိန်ဖြစ်ပြီး ဥမင် ထိပ်နှစ်ဖက်စလုံးမှ တူးဖော်ရေး လုပ်ငန်းများ လုပ်ကိုင်နေတာ ဖြစ်ပါတယ်။ ဥမင်တစ်ခုလုံးမှာ အဓိက အသုံးပြုတဲ့ lining အမျိုးအစားကတော့ Cast iron segment များဖြစ်ပါတယ်။ ကျွန်တော်တို့ အဖွဲ့ဟာ တူးဖော်ရေး လုပ်ငန်းများ လုပ်ကိုင်နေတဲ့ ဥမင်ထိပ် နှစ်ဖက်စလုံးကို သွားရောက် လေ့လာခဲ့ပါတယ်။ မြေအောက် အတွင်းပိုင်း လုပ်ငန်းများကို မြင်တွေ့ရတာ အလွန်ကို စိတ်ဝင်စားစရာ ကောင်းပြီး ပထမဆုံးအကြိမ် လေ့လာခွင့်ရလို့လည်း ၀မ်းသာကြည်နူး အားတက်မှုကိုပါ တပြိုင်တည်း ခံစားခဲ့ရပါတယ်။ မြေအောက်မှ ပြန်တက်လာတဲ့ အချိန်မှာတော့ မြေပေါ်မှာ ရှိတဲ့ လုပ်ငန်းတချို့ကိုပါ လေ့လာခွင့်ရခဲ့ပါတယ်။

အဲဒီနောက်မှာ အင်ဂျင်နီယာမှူးကြီးက ယနေ့လေ့လာခဲ့တဲ့၊ ရောက်ခဲ့တဲ့ နေရာများနဲ့ လုပ်ငန်းစဉ်များကို အကျဉ်းချုပ် ပြန်လည်ပြောကြားပေးပြီး ကျောင်းသားများနဲ့ ဆရာများက စီမံကိန်းနဲ့ ပတ်သက်တဲ့ သိလိုသည်များကို မေးမြန်းကြပါတယ်။ အင်ဂျင်နီယာမှူးကြီးက သဘောကောင်းကောင်းနဲ့ ပြန်လည် ဖြေကြားပေးပြီး ပထမနေ့ လေ့လာရေး ခရီးစဉ်ကို နိဂုံးချုပ်လိုက်ပါတယ်။

အခုလို လုပ်ငန်းခွင် လေ့လာရေး ခရီးများကို ဖြစ်မြောက်အောင် စီစဉ်ပေးတဲ့ တက္ကသိုလ်မှာ တာဝန်ရှိသူများ၊ Tunnels and metropolitans ဌာနမှာ ပါမောက္ခနဲ့ ဆရာများကို ကျေးဇူးဥပကာရ အထူးတင်ရှိပါကြောင်း ဒီပို့စ်လေးနဲ့ ပြောကြားလိုပါတယ်။ မြေအောက်လုပ်ငန်းခွင် အတွင်းပိုင်းပုံများကို မှတ်တမ်းတင် ဓာတ်ပုံများနဲ့တကွ ဗီဒီယိုဖိုင်များကိုလည်း ဖော်ပြပေးထားပါတယ်။ ဓာတ်ပုံတွေက ပုံ ၁၀၀ နီးပါး ရှိတာကြောင့် loading လုပ်တာ နည်းနည်းကြာပါလိမ့်မယ်။ သည်းခံပြီး ကြည့်ရှုပေးပါခင်ဗျား။ သူငယ်ချင်းများ အားလုံးကိုလည်း ကျေးဇူးအထူးတင်ရှိပါတယ်။

ဗီဒီယိုဖိုင်များ


Related Posts
လုပ်ငန်းခွင် လေ့လာရေး(၂)

M

etro အတွင်းတွင် ပြေးဆွဲနေသော ရထားများအတွက် reliability ဖြစ်ခြင်း ၊ safety ဖြစ်ခြင်းများသည် အဓိကအားဖြင့် ရထားဘီးသည် အရေးပါသော အစိတ်အပိုင်း တစ်ခုတွင် ပါဝင်သည်။ ရထားများ၏ ခရီးသည်တင်ဆောင်နိုင်မှု loading ပေါ်မူတည်၍လည်းကောင်း၊ ရထားစထွက်ချိန်တွင် traction motors များ၏ ရုန်းအားမှဖြစ်ပေါ်လာသော draft force များကြောင့်လည်းကောင်း၊ ရထားခုတ်မောင်းစဉ် သံလမ်းနှင့် ရထားဘီးများအကြားတွင် ရှိတတ်သော မာကြောသည့် အမှိုက်သရိုက် (သဲမှုန့်၊ သံမှုန့်၊ သံတိုသံစ၊ ကျောက်စရစ်ခဲ) များကြောင့်လည်းကောင်း၊ accident တစ်ခုခုကြောင့် ရုတ်တရက် break ဖမ်းစဉ်နှင့် station အဝင်များတွင် break ဖမ်းစဉ်အခါများကြောင့် လည်းကောင်း ရထားဘီးတွင် ပွတ်စားခြင်း၊ ချိုင့်ခွက်များဖြစ်ပေါ်ခြင်း၊ ရထားဘီး အနားစောင်းများသည် (curve rail များတွင် ကွေ့ဖန်များလာသောအခါ ) သံလမ်းနှင့် ပွတ်တိုက်မှု များလာပြီး အနားစောင်းများ ပါးလာသည်။ အထက်ပါ အကြောင်းအရာ များကြောင့် ရထားဘီးချော်ခြင်း၊ speed များပါက တိမ်းမှောက်ခြင်းများ အထိပင် ဖြစ်ပေါ်စေနိုင်ပါသည်။

၎င်း process တွင် ရထားဘီး၏ မျက်နှာပြင် သံလမ်းနှင့် အစဉ် ထိတွေ့ နေသော အပိုင်း (rolling parts) နှင့် ရထားဘီး အနားစောင်း (wheel trims) များ၏ ကြံ့ခိုင်မှု ပေါ်တွင် မူတည်သည်။ ဒီနေရာမှာ ယခင်က ရထားများ စတင် ပေါ်တဲ့ အချိန် တုန်းက ရထားဘီး များကို solid type ပုံစံ မျိုးအသုံး ပြုခဲ့ ကြသည်။ Solid type ဆိုသည်မှာ ရထားဘီး နှစ်ဘီး axle နှင့် တွဲလျှက် ရထားဘီး တစ်ခုလုံး မှာလည်း solid type ဖြစ်သည်။ ဘီးနှင့် axle ကို အသေ တပ်ဆင် ထားသည်။ သို့သော် ထိုကဲ့သို့ solid type wheels များကို ရေရှည် သုံးစွဲ လာကြသော အခါ ရထားဘီး များအား ပြန်လည် ပြုပြင် သောအခါ solid type wheels များသည် ပြန်လည် ပြုပြင် စရိတ် ကြီးမားခြင်း၊ ပြုပြင်ရာတွင် အချိန် ကြာမြင့်ခြင်း တို့ကြောင့် နောက်ပိုင်းတွင် ရထားဘီး များကို အပြင် အပေါ် ယံ(rolling parts) တလျှောက် အခွံစွပ်၍ အသုံးပြု လာကြသည်။ (ဥပမာ အားဖြင့် လှည်းဘီးတွင် သံခွေ- ခွေ သကဲ့သို့ လည်းကောင်း၊ ကားတာယာ ကဲ့သို့ လည်းကောင်း ဖြစ်သည်။) ထိုကဲ့သို့ အပေါ်ယံ အခွံကို ရထားဘီး တွင်စွပ်၍ တပ်ဆင် ခြင်းဖြင့် ရထားဘီးများ ပြန်လည် ပြုပြင် ရာတွင် ၎င်းအပေါ်မှ စွပ်ထားသော အခွံ ကိုသာ ဖြုတ်၍ ပြုပြင် မွန်းမံပြီး ပြန်လည် တပ်ဆင်ခြင်း၊ အသင့် ရှိပြီးသော အခွံ ကိုတပ်ဆင် ခြင်းဖြင့် ကုန်ကျ စရိတ် သက်သာ သည့်အပြင်၊ အချိန်ကုန်လည်း သက်သာ စေသည်။ ယခင် solid type wheels များသည် ဘီး တစ်ခုလုံး သံထည်ချည်း ဖြစ်သောကြောင့် ပြန်လည် ပြုပြင် ရာတွင် ပွန်းစား ထားသော Rolling parts နေရာနှင့် wheel trims များကို ခုတ်စားခြင်း ပြုလုပ်ပြီး mold ပြန်လောင်းကာ ယခင် ရထားဘီး standard အတိုင်း grinding machines, milling machines များဖြင့် ပြန်လည် ပုံဖော် ခုတ်စား ရမည်။ ထို့ ကြောင့် solid type ကို အသုံးပြုခြင်း ထက် ဘီးအခွံကို စွပ်၍ အသုံးပြု ခြင်းက အချိန်ကုန်၊ ငွေကုန်၊ ပင်ပန်းမှု သက်သာ စေသည်။ ထိုဘီး အခွံကို wheel wear ဟုပင် အလွယ် ခေါ်ဝေါ် သုံးစွဲ ကြသည်။

အထက်ပါ အကြောင်းအရာများကြောင့် Metro အတွင်းတွင် ပြေးဆွဲနေသော ရထားများကို အခါအားလျော်စွာ short inspection, detail inspection, maintenance နှင့် အကြီးစား ပြင်ဆင်မှုများကို ပြုလုပ်သွားရမည်ဖြစ်သည်။ short inspection များကို Engineer များနှင့် Mechanic များမှ ခဏအတွင်း စစ်ဆေးနိုင်သည်။ Detail inspection များကိုတော့ Engineer များ၊ Mechanic များနှင့် skill workers များဖြင့် အသေးစိတ် စစ်ဆေး ရမည်ဖြစ်သည်။ ထိုကဲ့ သို့ အသေးစိတ် စစ်ဆေး၍ ရရှိသော result များပေါ်မူတည်၍ ဤရထားဘီးကို ဆက်လက် အသုံးပြုသင့်၊ မပြုသင့်ကို ဆုံးဖြတ်သတ်မှတ် ရမည်ဖြစ်သည်။ ဆက်လက်၍ အသုံးမပြု သင့်တော့သော Rail wheels များကို ပြုပြင် ပြင်ဆင်ခြင်း၊ လုံးဝ အသုံးပြု၍ မရတော့သော ဘီးများကို အရည် ကျို၍ wheels အသစ်များ ပြန်လည် ထုတ်လုပ် ခြင်းများကို ပြုလုပ် သွားမည်ဖြစ်သည်။

Technical Service for Rail Wheels

Technical service or Repair inspection ဝင်ရန် (သို့) ပြုပြင်ရန်	Period for inspection or Repair inspection ဝင်ရန် (သို့) ပြုပြင်ရန် ကာလ အပိုင်းအခြား
ရထားဘီး များအား အသေးစား စစ်ဆေးမှု ပြုလုပ်ခြင်း(ရထား ရပ်နေစဉ် အတွင်း)	ရထား ခုတ်မောင်းပြီး နာရီ (၂၀) ခန့် အကြာ
ရထားဘီး rolling part ကို စစ်ဆေးခြင်း	၃၀±၅ x၁၀၃km ခုတ်မောင်း ပြီးအကြာ။
ရထားဘီးနှင့် ချိတ်ဆက်ထားသော၊ လည်ပတ်နိုင်သော အစိတ်အပိုင်းများ(turning parts of rail wheel) အား စစ်ဆေးခြင်း	လိုအပ်လျှင်
ရထားဘီး ဝင်ရိုး တဖက် တချက် တွင်ရှိသော Box နှင့် ရထားဘီး ဝင်ရိုးအား short inspection ပြုလုပ်ခြင်းနှင့် ဝင်ရိုးအား ultrasound ဖြင့် စစ်ဆေးခြင်း	၉၀±၁၀ x၁၀၃km
ပုံမှန် အသေးစိတ် စစ်ဆေးခြင်းများ	လိုအပ်လျှင်
ရထားဘီး အနားစောင်း (trim) များအား စစ်ဆေးခြင်း	၃၅၀±၂၀ x၁၀၃km
ရထားဘီး၏ ကိုယ်ထည် (solid) တစ်ခုလုံးအား စစ်ဆေးခြင်း	၄၈၀±၂၀ x၁၀၃km

အထက်ပါ Technical service များသည် international standard များတွင် inspection ပြုလုပ် သည့်အတိုင်း ဖော်ပြထားခြင်း ဖြစ်ပါသည်။

ရထားဘီးနှင့် ချိတ်ဆက်ထားသော လည်ပတ်နိုင်သော အစိတ်အပိုင်းများ (turning parts of wheel) အား စစ်ဆေးခြင်းသည် ရထားဘီးတွင် သံလမ်းနှင့် ထိစပ်နေသော အပိုင်းတလျှောက် ရှိမျက်နှာပြင်တွင် သတ်မှတ်ခွင့် ပြုထားသော Geometrical feature (parameter) စံချိန် စံညွှန်း ညီညွတ် မှုမရှိပါက ၎င်းစစ်ဆေး မှုကို အကောင်အထည် ဖော် ဆောင်ရွက် ရမည် ဖြစ်သည်။

ပုံမှန်အသေးစိတ် စစ်ဆေးခြင်းမှာ ကီလိုမီတာ ၁၀၀၀၀၀(၁၀၀x၁၀^၃km) ခုတ်မောင်း ပြီးနောက် ရထားဘီးကို ရထားမှ ဖြတ်ယူကာ Machines အကူအညီဖြင့် စစ်ဆေးခြင်း(သို့) ရထားဘီးများအား အသုံးမပြုဘဲ သိမ်းဆည်းထားပြီး ၁၂ လ အကြာတွင် ပြန်လည် ထုတ်ယူ၍ စစ်ဆေးခြင်း များကို ပြုလုပ် သွားရမည်။ ပုံမှန် အသေးစိတ် စစ်ဆေးခြင်း များကို အောက်ပါ အတိုင်း ပြုလုပ် သွားရမည် ဖြစ်သည်။

ရထားတွဲများမှ ဖြတ်ယူလာသော ရထားဘီးများကို သန့်စင်မှု မပြုလုပ်မီ Material strength ကျမှု ရှိမရှိ၊ ဘီးနှင့် ဝင်ရိုး ထိစပ်နေသော စံချိန် စံညွှန်း ကွာဟမှု ရှိမရှိ၊ ထို့အပြင် အက်ကြောင်းများ၊ ရထားဘီး(axial box) နှင့် reduction gear box တို့မှ ထွက်လာသော၊ လွင့်စင်လာသော Lubricant အစအနများ ရှိမရှိ ကိုဦးစွာ စစ်ဆေး ရမည် ဖြစ်သည်။ ရထားဘီး အတွဲများ (ရထားဘီးသည် ဝင်ရိုးနှင့် ဆက်လျှက် ဘီးတစ်စုံ ဖြစ်သည်။ ရထားဘီး တစ်စုံတွင် 2 wheels ပါရှိသည်။) ကို alkali solution များ၊ washing solution များ၊ ရေပူကို အသုံးပြု၍ ဆေးကြော သန့်စင်စက် များဖြင့် ဆေးကြော ရပါသည်။ ရထားဘီး အတွဲများကို ဆေးကြော သန့်စင်ပြီး ပါက အပြစ်အနာ အဆာ စစ်ဆေးသော Machine များတွင် အတွင်းပိုင်း မမြင်နိုင်သော အပိုင်းများတွင် အက်ကွဲကြောင်းမျာ ရှိမရှိ၊ အပြစ် အနာအဆာများ ရှိမရှိကို ultrasound နည်းဖြင့် စစ်ဆေး မှုများ ပြုလုပ် ရပါမည်။ သို့မှသာ Mechanical damage များကို လျော့နည်း စေမည် ဖြစ်သည်။ အဘယ့်ကြောင့် ဆိုသော် အတွင်းပိုင်း(Material အတွင်းပိုင်း) ပျက်စီးမှု များသည် မျက်စိဖြင့် မမြင်နိုင် သောကြောင့် ထိုကဲ့သို့ အတွင်းပိုင်း အနာအဆာ များရှိ နေပါက operating time အတွင်းတွင် pinion များ ကျိုးပဲ့ခြင်း ဖြစ်ပေါ်ကာ reduction gear ကို ပျက်စီးစေခြင်း၊ နှင့် အခြား ဆိုးကျိုး များကို ဖြစ်ပေါ် စေနိုင်သည်။ ထို့နောက်တွင် -

Ø ရထားဘီး နဲ့တွဲလျက် reduction gear pinion များကို စစ်ဆေးခြင်း၊

Ø Reduction gear casing ကို စစ်ဆေးခြင်း၊

Ø Axial box များရှိ suspension cylinder များ၊ springs များကို စစ်ဆေးခြင်း၊

Pinion wheels များ၏ မျက်နှာပြင်များ၊ pinion အသွား များတွင် crack များ ရှိမရှိ၊ ပွတ်စား ခြင်းများ ရှိမရှိ၊ အကျိုး အပဲ့ သံတိုသံစ များရှိမရှိ၊ pinion teeth ၏ cone surface part များ ပျက်စီး နေခြင်း ရှိမရှိ များကို စစ်ဆေးခြင်း တို့ကို ပြုလုပ် စစ်ဆေး ရမည် ဖြစ်သည်။ Wheel axel ကို ultrasound နည်းဖြင့် အတွင်း ပိုင်းတွင် အပြစ် အနာအဆာ များရှိမရှိ၊ အက်ကြောင်းများ ရှိမရှိကို စစ်ဆေးရမည် ဖြစ်သည်။ ထိုကဲ့သို့ စစ်ဆေးရာတွင် အတွင်းပိုင်းတွင် အပြစ် အနာ အဆာများ တွေ့ရှိပါက အပြင်ပိုင်းမှ အမှတ် အသားများ ပြုလုပ်ထား ရမည် ဖြစ်သည်။

ရထားဘီး၏ standard geometrical features များကို တိုင်းတာ ရာတွင်-

Ø ရထားဘီး၏ rolling part နှင့် wheel rig ကို တိုင်းတာခြင်း

Ø Reduction gear casing နှင့် axle box casing များကို စစ်ဆေးခြင်း တို့ ဖြစ်သည်။

ပုံမှန် အသေးစိတ် စစ်ဆေးခြင်း (သို့) Full inspection ဝင်ခြင်း များကို -

Ø ရထား ခုတ်မောင်းမှု Running time ပြည့် သောအခါ တွင်လည်းကောင်း

Ø Forming (သို့) repairing ပြုလုပ် ပြီးသော အခါတွင် လည်းကောင်း

Ø Wheel rig များအား reforming ပြုလုပ် ပြီးသော အခါတွင် လည်းကောင်း

Repairing ပြုလုပ် ပြီးသော ရထားဘီး ပေါ်မှ မသေချာ၊ မသဲကွဲသော အမှတ် အသားများ၊ ပြန်လည် အက်ကွဲမည့် အရိပ် လက္ခဏာ များကို စနစ်တကျ တိတိကျကျ စစ်ဆေး ရမည် ဖြစ်သည်။ ထို့အပြင် လမ်းချော်ခြင်း၊ accident damage တစ်ခုခု ဖြစ်ပြီးသော အခါတွင် လည်းကောင်း၊ ရထားဘီးတွင် 1mm (မီလီမီတာ) ထက်ရှည်သော အနာအဆာ တွေ့ရှိလျှင် သော်လည်းကောင်း ထပ်မံ စစ်ဆေး ရမည် ဖြစ်သည်။

ရထား ခုတ်မောင်း နေစဉ် အန္တရာယ် ကင်းရှင်းမှု ဖြစ်ပေါ်စေရန် အောက်ပါ အကြောင်း အရာများက များစွာ အထောက်အကူ ဖြစ်စေသည်။

Ø ရထားဘီး၏ rolling part တလျှောက်တွင် အပြစ် အနာ အဆာ ဖြစ်ပေါ်မှု ပမာဏ

Ø Wheel trim များ၏ အထူ(thickness) ပမာဏ အတိုင်းအတာ များပေါ်တွင် များစွာ မှုတည် နေသည်။ ၎င်းကဲ့သို့ ဖြစ်ပေါ်လာသော ပမာဏ များကို control parameter အနေဖြင့် တွက်ချက် ထည့်သွင်း စဉ်းစားသည်။ ထိုကဲ့သို့ control parameters များကို ရရှိရန် research များမှ ရယူ ရမည် ဖြစ်သည်။

ရထားဘီးများ၏ rolling parts များမှ အပြစ်အနာ အဆာများ၊ wheel trim အထူအပါး များကို measuring machines များဖြင့် တိုင်းတာ ရရှိမည် ဖြစ်သည်။ ထိုကဲ့သို့ control parameter များကို Metro line နှစ်ခုတွင် ပြေးဆွဲ နေသော ရထား line နှစ်ခု နှင့် ရထား သိုလှောင် ပြင်ဆင်ရုံ (၂) ခုမှ ရယူသည်။ ၎င်းရထားလိုင်း ၂ ခုမှာ (straight line) ပြေးဆွဲ နေသော ရထားလိုင်း နှင့် အဝိုင်းပတ်(circle line) ပြေးဆွဲသော လိုင်းဖြစ်သည်။ ထို့အပြင် ၎င်းရထားလိုင်း နှစ်ခုအား ရွေးချယ်၍ research ပြုလုပ် ရခြင်းမှာ ရထား Bogies များတွင် ရထားဘီး နှင့် Bogies ချိတ်ဆက် ရာတွင် type နှစ်မျိုးဖြင့် ချိတ်ဆက် ထားသောကြောင့် ဖြစ်သည်။ ၎င်း type နှစ်မျိုးမှာ suspension type နှစ်မျိုး ဖြစ်သည်။ Leaf suspension နှင့် spring suspension အမျိုးအစား နှစ်မျိုး ဖြစ်သည်။ Control parameters များကို measuring machines ဖြင့် တိုင်းတာ ရရှိသည်။

Measuring machine တွင် ရထားဘီး၏ rolling parts ကို တိုင်းတာရန် vertical needle(ရထားဘီး rolling part တလျှောက် အပြစ် အနာ အဆာ များကို sensor မှ တိုင်းတာသည်)။ ရထားဘီး၏ wheel trim thickness ကို တိုင်းတာရန် horizontal needle, ရထားဘီးကို တိုင်းတာစဉ် အံဝင် ခွင်ကျ ဖြစ်စေရန် နှင့် fix ဖြစ်နေ စေရန် အတွက် roller နှင့် angle ထိမ်းပေးသော block တို့ ပါဝင်သည်။

ရထားဘီး၏ Reliability ကို estimate ပြုလုပ် ရာတွင် ပထမ ဦးဆုံး အနေဖြင့် wheel rolling part မှရရှိသော control parameters များကို calculate ပြုလုပ် နိုင်ရန် reliability exponent (သို့) reliability numbers များအဖြစ် ပြောင်းလဲ ရမည်။

တိုင်းတာ ရရှိ လာသော control parameter များကို realization parameter table တွင် ထည့်သွင်း၍ ဇယား၏ row,column အရေအတွက် များကို formula များ အသုံးပြု၍ ရှာဖွေ ရမည် ဖြစ်သည်။ ဇယားမှ ရရှိလာသော control parameters များကို probability theories များအရ random variable များအဖြစ် သတ်မှတ် တွက်ချက် ရမည် ဖြစ်သည်။

တွက်ချက်ရာတွင် -

Ø Normal distribution law (Gauss’s law)

Ø Mathematical expectation value m_x^*

Ø Root mean square value σ_x^* များကို ထည့်သွင်း စဉ်းစား တွက်ချက်သည်။

ရထားဘီး၏ Reliability ကို တွက်ချက်ရန် ရယူရမည့် control parameters များကို standard technical condition များ၊ standard sizes များပေါ် မူတည်၍ ရယူ ရမည် ဖြစ်သည်။

Control parameters များကို -

Ø ရထားဘီး၏ rolling part

Ø Wheel rig thickness

Ø Wheel slider

Ø Thickness wear (ရထားဘီး အစွပ်၏ အထူ အပါး)

Ø ရထားဘီး(၂) ဘီး၏ inner side နှစ်ခု အကွာ အဝေး နှင့်

Ø Wheel diameter တို့ မှ တိုင်းတာ ရယူသည်။

တိုင်းတာ၍ ရရှိလာသော control parameters များကို install instruction (သတ်မှတ် ထားသော စံချိန် စံညွှန်း) များနှင့် compare လုပ်ရမည်။ ထိုသို့ compare ပြုလုပ် ရာမှ ရရှိ လာသော Results ကို ပြန်လည် သုံးသပ်၍ ဆက်လက်၍ အသုံးပြုရန် သင့်မသင့် ဆုံးဖြတ် ရမည် ဖြစ်သည်။

Reliability ဖြစ်ခြင်း၊ Safety ဖြစ်ခြင်း၊ Level ကိုများသောအားဖြင့် ၉၀ % သို့မဟုတ်၊ ၉၀% ထက်ပိုလွန်၍ ရယူရမည်ဖြစ်သည်။ အဘယ့်ကြောင့်ဆိုသော် အပြည့်အ၀ Safety ဖြစ်ခြင်းက ပိုမိုသာလွန် ကောင်းမွန်ကြောင်းကို စာဖတ်သူတို့လည်း ကောင်းစွာ သဘောပေါက် နားလည်မည်ဖြစ်သည်။ အထက်တွင် ဖော်ပြထားသည့်အတိုင်း Control parameters များကို ရထားလိုင်း (Radial line နှင့် အ၀ိုင်းပတ်လိုင်း) နှစ်လိုင်းမှ ရယူခြင်းမှာ Radial line တွင်ပြေးဆွဲသော ရထားလိုင်းသည် အဖြောင့်အတိုင်း ပြေးဆွဲရသဖြင့် Wheel rolling parts တလျှောက်တွင် အပြစ်အနာအဆာ ဖြစ်ပေါ်မှု ပိုမိုများပြားပြီး Wheel rig ပါးသွားခြင်းမှာ အနည်းငယ်သာ ဖြစ်ပေါ်သည်။ အ၀ိုင်းပတ် လိုင်းတွင် ပြေးဆွဲသော ရထားတွင် Wheel rolling parts နှင့် wheel rig တွင် အပြစ်အနာအဆာ ဖြစ်ပေါ်မှု ပိုမိုများပြားနိုင်သည်။ ထို့အပြင် ရထားဘီးတွင် ၀န်တင်ဆောင်မှု Loading များပါက အပြစ်အနာအဆာ များကို ပိုမိုဖြစ်ပေါ်စေနိုင်သည်။ ထိုကဲ့သို့ Loading များခြင်း၊ Curve way များတွင် ခုတ်မောင်းမှုမှ အပြစ်အနာအဆာများ ဖြစ်ပေါ်မှုကို ပြန်လည်ထိန်းချုပ်နိုင်ရန် အတွက် ရထား Bogies နှင့် Rail wheel ကို ချိတ်ဆက်ရာတွင် အသုံးပြုသော Suspension type များ၊ ရထားတွဲ တစ်တွဲနှင့် တတွဲ ချိတ်ဆက်ပေးသော Joint type များ၊ Vibration လျော့ချပေးသော Damper type များ၊ ရထားဘီး Bogies နှင့် Frame ချိတ်ဆက်ထားသော type များပေါ်တွင် မူတည်သည်။ Bogies နှင့် Rail wheel ချိတ်ဆက်ထားသော Suspension type အမျိုးမျိုးရှိသည့်အနက် Spring type suspension (spindle type suspension) ကို ပိုမို၍ အသုံးများကြသည်။ Spindle type suspension သည် ရထားဘီးနှင့် ချိတ်ဆက်ရာတွင် ဘီး တစ်ဖက်တစ်ချက်၌ spring အထိုင်ရှိပြီး အခြားတစ်ဖက်တွင် Damper တစ်ခုတပ်ဆင်ထားသည်။ Damper တပ်ဆင်ထားခြင်းမှာ Spring vibration ကို လျော့ချပေးရန် ဖြစ်သည်။ ထိုကဲ့သို Suspension type မျိုးတပ်ဆင်ထားသော ရထားတွဲတွင် လိုက်ပါစီးနင်းသော ခရီးသည်များ အတွက် Leaf type suspension တပ်ဆင်ထားသော ရထားတွဲကို စီးနင်းသော ခရီးသည်ထက် Motion sickness ပိုမိုလျော့နည်းနိုင်သည်။

သယ်ယူပို့ဆောင်ရေး ၀န်ဆောင်မှု၏ အဓိက အရေးကြီးဆုံး အချက်မှာ လိုက်ပါစီးနင်းသော ခရီးသည်များအတွက် လိုရာခရီးကို ဘေးအန္တရာယ် ကင်းရှင်းစွာဖြင့် သက်တောင့်သက်သာ ရှောက်ရှိနိုင်ရေးပင် ဖြစ်ရာ ကျွန်တော်တို့ မြန်မာနိုင်ငံ၏ ရထားပို့ဆောင်ရေး ၀န်ဆောင်မှုကိုလည်း ယခုထက်ပို၍ အဆင့်မြင့်တင်နိုင်ရန် ဤဆောင်းပါးက များစွာ အထောက်အကူပြုလိမ့်မည်ဟု မျှော်လင့်မိပါသည်။

ဒီ

နေ့တော့ မိုးက အုံ့တုံ့တုံ့နဲ့။ ရွာမယ့်ပုံတော့ မရှိပါဘူး။ မနက်ခင်းလေးက မြန်မာပြည်က မိုးတွင်းကာလ မနက်ခင်းလေး အတိုင်းပါပဲလို့ တွေးမိရင်း ဖျတ်ခနဲ မြန်မာပြည်ကို လွမ်းလိုက်မိ ပါသေးတယ်။ ကျောင်းပိတ်ရက်တွေဆို လူသွားလူလာ မရှိတတ်အောင်ဘဲ ဆိတ်ငြိမ်တဲ့ လမ်းလေးပေါ်မှာ လူတွေ၊ ကားတွေ ဥဒဟို သွားလာနေကြပါပြီ။ ဒီနေ့ဟာ ဇူလိုင်လ ၃ ရက်နေ့၊ အင်္ဂါနေ့ပါ။ မြန်မာပြည်မှာတော့ မြန်မာအမျိုးသမီးများနေ့ပေါ့။ ကျွန်တော်တို့အတွက်တော့ ပညာရေး ခရီးမှာ ဒုတိယမှတ်တိုင် အဖြစ်စိုက်ထူလိုက်တဲ့ နေ့လို့ ပြောရမှာပါ။ ဒီမှတ်တိုင်လေးကနေ လမ်းခွဲသွားကြမယ့် သူတွေလည်း ရှိရဲ့။ ရှေ့ဆက်တိုးမယ့် သူတွေကလည်း အားမာန် အပြည့်နဲ့လေ။

တက္ကသိုလ် ပင်မဆောင် ဘွဲ့နှင်းသဘင် ခန်းမရှေ့မှာတော့ ဘွဲ့ယူမယ့် ကျောင်းသားတွေ၊ သူငယ်ချင်း မိတ်ဆွေတွေ၊ ကျောင်းသား မိဘတွေနဲ့ ရုံးစုရုံးစု ဖြစ်နေပါပြီ။ တက္ကသိုလ်ရဲ့ နိုင်ငံခြားကျောင်းသားများ အတွက် ကျင်းပတဲ့ ဘွဲ့နှင်းသဘင်ပါ။ တခြားနိုင်ငံတွေကလာတဲ့ ကျောင်းသားတွေမှာတော့ မိဘတွေ၊ ဆွေမျိုးသူငယ်ချင်းတွေနဲ့ သိုက်သိုက်ဝန်းဝန်း ရှိနေပေမဲ့၊ ကျွန်တော်တို့လို့ မိဝေးဖဝေး မြန်မာကျောင်းသားတွေကတော့ ကိုယ့်ကိုကိုယ် အားပေးရင်းနဲ့ပဲ တက်ကြွနေကြပါတယ်။ ကိုယ့်မြေကိုယ့်ရေမှာ မိဘဆွေမျိုး အစုံအလင်နဲ့ ဘွဲ့ယူခဲ့ကြတုန်းကလို မဟုတ်တော့ပေမဲ့ အားလုံးရဲ့ မျက်နှာမှာတော့ အပြုံးပန်း ကိုယ်စီနဲ့ပါပဲ။ စာသင်နှစ်များကို အောင်မြင် ပေါက်မြောက်ပြီးလို့ မကြာခင်မှာ အိမ်ပြန်ကြရတော့မယ် ဆိုတဲ့စိတ်နဲ့ တက်ကြွလန်းဆန်း နေကြတာလည်း ဖြစ်မှာပါ။

နံနက် ၁၁ နာရီမှာ ဘွဲ့နှင်းသဘင် အခမ်းအနားကို စတင်ခဲ့ပါတယ်။ ခန်းမထဲကို ပါမောက္ခချုပ်ဝင်လာတဲ့ အချိန်မှာတော့ ခန်းမထဲမှာ ရှိနေတဲ့ ဧည့်ပရိသာတ် အားလုံးက မတ်တပ်ထရပ် အရိုအသေ ပေးလိုက်ကြပါတယ်။ အခု အခမ်းအနားမှာ ထူးခြားတာကတော့ ရထားပို့ဆောင်ရေး အေဂျင်စီ ဒါရိုက်တာကိုယ်တိုင် တက်ရောက် ချီးမြှင့်ပေးတာပဲ ဖြစ်ပါတယ်။ အခမ်းအနား စတင်ချိန်မှာတော့ ပါမောက္ခချုပ်က အမှာစကား ပြောကြားပေးပါတယ်။ မြန်မာကျောင်းသားများ အနေနဲ့ နှစ်နှစ်ဆိုတဲ့ အချိန်တို အတွင်းမှာ ထင်မှတ်မထားအောင် ထူးချွန်စွာ အောင်မြင်ပြီးမြောက်ခဲ့ကြလို့ အထူးပဲ ဂုဏ်ယူ ၀မ်းမြောက်ရကြောင်းလည်း ထည့်သွင်း ပြောကြားသွားပါတယ်။ သူ့နောက်မှာတော့ ရထားပို့ဆောင်ရေး ဒါရိုက်တာက စကားပြောပါတယ်။ ထို့နောက်မှာ မြန်မာနိုင်ငံကိုယ်စား သံမှူးကြီးက အမှတ်တရ စကား ပြောကြားပေးပါတယ်။ အဲဒီနောက်မှာတော့ နိုင်ငံခြား ကျောင်းသားများ ကိုယ်စား ဗီယက်နမ်နိုင်ငံမှ ကျောင်းသူတစ်ဦးက ကျေးဇူးတင်စကား ပြောကြားခဲ့ပါတယ်။ ကျွန်တော်တို့ မြန်မာနိုင်ငံကိုယ်စား ကျောင်းသားတစ်ဦးမှ ကျေးဇူးတင်စကား ပြောကြားပြီးတဲ့ နောက်မှာ ဘွဲ့လက်မှတ်များ အပ်နှင်းခြင်း အစီအစဉ် စတင်ပါတယ်။

ထူးချွန်ကျောင်းသားများကို ရထားပို့ဆောင်ရေး ဒါရိုက်တာနဲ့ ပါမောက္ခချုပ်တို့က ဘွဲ့များ ချီးမြှင့်ပေးပြီး ကျန်ကျောင်းသားများကို သက်ဆိုင်ရာ ပါမောက္ခများက ချီးမြှင့်ပေးကြပါတယ်။ တက္ကသိုလ်အတွက် ဒီဘွဲ့နှင်းသဘင်ဟာ မြန်မာကျောင်းသားတွေ ပထမဆုံးပါဝင်တဲ့ ဘွဲ့နှင်းသဘင်ပါ။ တက္ကသိုလ်အတွက်လည်း ပထမဆုံးအနေနဲ့ မှတ်တမ်းတစ်ခု တင်သွားပြီ ဖြစ်သလို နိုင်ငံအနေနဲ့လည်း သက်ဆိုင်ရာ ကဏ္ဍလေးရပ်အတွက် ပထမဆုံးသော လူ့အရင်းအမြစ်များကို ရရှိလိုက်ပြီ ဖြစ်ပါတယ်။ မိမိတို့ သင်ကြားခဲ့ရတဲ့ ပညာရပ်နယ်ပယ်မှာ ကောင်းစွာ အောင်မြင် ပေါက်မြောက်ခဲ့ပြီးဖြစ်လို့ လက်တွေ့နယ်ပယ်မှာ နိုင်ငံကို အကျိုးပြုနိုင်ဖို့ ကိုယ်စွမ်း၊ ဥာဏ်စွမ်း ရှိသရွေ့ ကြိုးစားကြရပါတော့မယ်။ နည်းပညာအရ နောက်ကျ ကျန်နေခဲ့တဲ့ နိုင်ငံကို မိမိတို့ သင်ကြားခဲ့တဲ့ အဆင့်မြင့်ပညာများနဲ့ ပြန်လည် အလုပ်အကျွေးပြုဖို့ ပထမဆုံး ခြေလှမ်းတစ်ရပ်ကို လှမ်းလိုက်ကြပြီလို့ မြင်မိပါတယ်။

တဆက်စပ်တည်း ခေါင်းထဲကို အတွေးလေးတချို့ ၀င်လာပါတယ်။ ၂၁ ရာစုဟာ ပညာခေတ်လို့ ဆိုကြတယ်မဟုတ်လား။ ပညာရပ် နယ်ပယ်အသီးသီးမှာ အသစ်အသစ်သော တီထွင်မှုတွေ၊ နည်းပညာတွေဟာ စဉ်ဆက်မပြတ် ဖြစ်ပေါ်လျက် ရှိနေတာ အံ့မခန်း မြင်တွေနေရတဲ့ အချိန်ပါ။ ဒါကြောင့်မို့လို့ အမိတက္ကသိုလ်က သင်ကြားပေးလိုက်တဲ့ ပညာများကို မေ့လျော့မသွားဘဲ၊ လက်ရှိ အနေအထားမှာတင် ရပ်တန့်မနေဘဲနဲ့ ဆက်လက်ပြီး ဆထက်တပိုး တိုးတက်နေအောင် တီထွင်ကြံဆ လေ့လာဆည်းပူး နေကြဖို့က အရေးကြီးဆုံး အချက် ဖြစ်လာပါပြီ။

လူချင်းအတူတူ ကိုယ်က အသုံးမကျလို့၊ အဖက်ဖက်က နိမ့်ကျခဲ့လို့ သူများဆီမှာ အောက်ကျို့ရတဲ့အခါ ဘယ်လောက် မျက်နှာငယ်ရသလဲဆိုတာကို အားလုံးလဲ သိရှိပြီး ဖြစ်မှာပါ။ ဒီလို နည်းပညာမျိုးတွေ ကိုယ့်ဆီမှာ မရှိလို့ နိုင်ငံတော်က ငွေကုန်ကြေးကျ များစွာခံပြီးတော့ လူအရင်းအမြစ်တွေကို မွေးထုတ်ပေးနေတာ ဖြစ်ပါတယ်။ အရင်းအနှီးများစွာ ပေးဆပ်ထားရတဲ့ နိုင်ငံတော်အတွက် တကယ်လိုအပ်တာဟာ ဘွဲ့လက်မှတ်မဟုတ်ဘဲ တတ်သိကျွမ်းကျင်တဲ့ ပညာရှင်တွေသာ ဖြစ်တယ်ဆိုတာကို သတိချပ်စေလိုပါတယ်။ မိမိတို့ သင်ယူခဲ့ရတဲ့ ပညာရပ်များကို အမိမြေမှာ လက်ဆင့်ကမ်းနိုင်အောင် သို့မဟုတ် ကျရာနေရာမှာ ကျေပွန်စွာ ထမ်းဆောင်မယ်ဆိုတဲ့ ခိုင်မာတဲ့ ယုံကြည်ချက် စိတ်ဓာတ် အပြည့်ထားရှိဖို့လည်း လိုပါတယ်။ ဖြစ်ပေါ်နေတဲ့ အခြေအနေ အရပ်ရပ်ပေါ်မှာ မှန်ကန်တဲ့ အမြင်၊ တည်ကြည်တဲ့ သဘောထား၊ ဖြောင့်မတ်တဲ့ ခံယူချက်၊ မယိမ်းမယိုင်တဲ့ ယုံကြည်ချက်များနဲ့ သုံးသပ်တတ်ပြီး နိုင်ငံကို အလုပ်အကျွေး ပြုနိုင်ကြပါစေလို့ အလေးအနက် ဆုတောင်းလိုက်ပါတယ်။

ဘွဲ့နှင်းသဘင် အခမ်းအနား အပြီးမှာတော့ ကျောင်းသားတွေ၊ ဆရာမိဘတွေနဲ့ ခန်းမထဲ၊ ကျောင်းဝန်းထဲမှာ အမှတ်တရ စုပေါင်းဓာတ်ပုံတွေ ရိုက်ကြ၊ ကျေးဇူးတင် စကားတွေပြောကြ၊ ဂုဏ်ပြုကြ၊ နှုတ်ဆက်ကြနဲ့ အပြုံးပန်းတွေ ဝေနေကြပါတယ်။ မနက်ပိုင်းတုန်းက အုံ့မှိုင်းနေတဲ့ မိုးကောင်ကင်ကလည်း ကျောင်းသားတွေရဲ့ အပျော်တွေ၊ ကြည်နူးဝမ်းသာမှု အပြုံးတွေ၊ ကင်မရာဖလက်ရ်ှက ထွက်လာတဲ့ မီးရောင်ပျိုးပြက်တို့နဲ့အတူ လှပနွေးထွေးစွာ ကြည်လင် တောက်ပနေလေရဲ့။

Related Posts
မှတ်တိုင်တစ်ခုနှင့် မျှော်လင့်ချက်